విశాల్‌పై సమంత ఆసక్తికర కామెంట్స్!

‘అభిమన్యుడు’గా తెలుగులో విడుదల కాబోతున్న తమిళ సినిమాలో జంటగా నటించారు విశాల్, సమంతలు. వివాహం తర్వాత సమంత సెలెక్టివ్ గా చేస్తున్న సినిమాల్లో ఇదీ ఒకటి. మిత్రన్ దర్శకత్వంలో రూపొందుతున్న ఈ సినిమాలో అర్జున్ విలన్ పాత్రలో నటిస్తున్నాడు. గతంలో అర్జున్ వద్ద అసిస్టెంట్ డైరెక్టర్ గా పని చేసిన అనుభవం ఉంది విశాల్. ఈ సారి తన గురువు విలన్ గా నటిస్తుండగా.. విశాల్ హీరోగా నటిస్తున్నాడు.

ఈ సినిమాలో విలన్ పాత్రను చేయడానికే విశాల్ ఆసక్తి చూపించాడట. కథ వినగానే.. విలన్ పాత్రను చేస్తాను అని అడిగాడట.. అయితే దర్శకుడు మాత్రం దానికి అర్జున్ ని, హీరో పాత్రకు విశాల్ ను ఎంపిక చేసుకున్నాడట. ఇక సంక్రాంతికి విడుదల కాబోతున్న ఈ సినిమా ఆడియో విడుదల జరిగింది.

ఈ కార్యక్రమంలో విశాల్ పై ఆసక్తిదాయకమైన కామెంట్స్ చేసింది సమంత. అందులో ముఖ్యమైనది ఏమిటంటే.. విశాల్ ను చూస్తే తనకన్నా చిన్నవాడు అనిపిస్తాడు.. అని సమంత అనడం. వయసు లెక్కల ప్రకారం చూసుకుంటే సమంత కన్నా పెద్దవాడే విశాల్. అయితే సమంతకు మాత్రం విశాల్ చిన్నవాడనిపించాడట. చిన్నపిల్లాడు.. అనడం ద్వారా విశాల్ కు కితాబిచ్చింది సమంత.