వైరల్ ట్వీట్: సామ్.. చైతూకి హానికరం కాదట!

రారండోయ్.. వేడుక చూద్దాం అంటూ అక్కినేని వారసుడు నాగచైతన్య సందడి చేసేందుకు రెడీ ఉన్నాడు. ఈ సినిమా మే 26న ప్రేక్షకుల ముందుకు రాబోతుండటంతో.. ఈరోజు (శనివారం) ట్రైలర్‌ను విడుదల చేశారు చిత్ర నిర్మాత అక్కినేని నాగార్జున. ఇదిలా ఉంటే తాజా ట్రైలర్‌ ప్రేక్షకులను విపరీతంగా ఆకట్టుకోవడంతో పాటు ఇందులో నాగ చైతన్య చెప్పిన డైలాగ్ హాట్ టాపిక్‌‌గా మారింది.

ట్రైలర్ ఎండింగ్‌లో చైతూ.. ‘అమ్మాయిలు మనశ్శాంతికి హానికరం’ అంటూ.. మద్యపానం ఆరోగ్యానికి హానికరం అన్నంత రేంజ్‌లో చెప్పడంతో ఈ ట్యాగ్ లైన్ వైరల్‌గా మారి.. చైతు రియల్ డార్లింగ్ సమంతకు చేరింది.

సోషల్ మీడియాలో ఎప్పుడూ యాక్టివ్‌గా ఉండే సమంత ట్విట్టర్‌లో తన పర్సనల్ విషయాలను సైతం అభిమానులతో షేర్ చేసుకుంటూ ఉంటుంది. తాజాగా ట్విట్టర్‌లో ఓ అభిమాని.. ‘అమ్మాయిలు మనశ్శాంతికి హానికరం’ అంట సమంతా.. చైతూ గారు ఏదో అంటున్నారు’ విన్నావా! అని సరదా కామెంట్ చేయగా.. సమంత దీనిపై స్పందిస్తూ... అబ్బే ‘చైతూ చెప్పింది మిగతా అమ్మాయిల గురించి నా గురించి కాదు’ అంటూ చమత్కారంగా రీ ట్వీట్ చేసింది సమంత.

Ha ha ha migatha ammailu gurinchi 😉 https://t.co/2EHUafqwBu — Samantha Ruth Prabhu (@Samanthaprabhu2) May 13, 2017
అయితే ‘రారండోయ్. . వేడుక చూద్దాం’ ట్రైలర్‌ను తన ట్విట్టర్ ఖాతానుండి రిలీజ్ చేసిన నాగార్జున సైతం ‘అమ్మాయిలు మనశ్శాంతికి హానికరం’ అన్న దానికి నేను ఎగ్రీ కాను అంటూ.. సరదా ట్వీట్ చేశారు.

"అమ్మాయిలు మనశాంతికి హానికరం" I don't agree/take a look#RaRandoiVedukaChuddam theatrical trailer.https://t.co/1yO6IfYmxn — Nagarjuna Akkineni (@iamnagarjuna) May 13, 2017
తాజాగా విడుదలైన ‘రారండోయ్.. వేడుక చూద్దాం’ ట్రైలర్‌కు రెస్పాన్స్ అదిరిపోవడంతో.. ఈ సినిమాపై అంచనాలు పెరిగాయి. కళ్యాణ్‌కృష్ణ దర్శకత్వంలో తెరకెక్కిన ఈ మూవీ సమ్మర్‌ స్పెషల్‌గా మే 26న ప్రపంచ వ్యాప్తంగా విడుదల చేసేందుకు సన్నాహాలు చేస్తున్నారు.

‘రారండోయ్.. వేడుక చూద్దాం’ ట్రైలర్‌: