Samantha: 1990 బ్యాక్‌డ్రాప్‌లో స‌మంత‌.. రెండు వారాల త‌ర్వాత ఆ పని చేసిన చెన్నై బ్యూటీ

సినిమాల్లో స్టార్ హీరోయిన్‌గా రాణిస్తోన్న స‌మంత (Samantha Ruth Prabhu) ఇప్పుడు లేడీ ఓరియెంటెడ్ సినిమాల‌తో సంద‌డి చేయ‌టానికి సిద్ధ‌మ‌వుతుంది. మ‌రో వైపు ద ప్యామిలీ మ్యాన్ 2 (The Family Man 2) వెబ్ సిరీస్‌లో చేసిన రాజీ పాత్ర‌తో డిజిట‌ల్ ప్రేక్ష‌కుల‌ను కూడా ఆక‌ట్టుకుంది. ఇప్పుడు సామ్ బాలీవుడ్ వైపు అడుగు లేస్తోంది. ఇప్ప‌టికే ఓ సినిమాతో పాటు వెబ్ సిరీస్ కూడా చేయ‌టానికి రెడీ అయిపోయింది. ఈ చెన్నై బ్యూటీని ద ఫ్యామిలీ మ్యాన్ 2 సిరీస్‌లో కొత్త‌గా ప్రెజంట్ చేసిన ద‌ర్శ‌క ద్వ‌యం రాజ్ డీకే బాలీవుడ్‌లో ఓ వెబ్ సిరీస్ చేస్తున్నారు.

1990 బ్యాక్‌డ్రాప్‌లో తెర‌కెక్క‌నున్న బాలీవుడ్ వెబ్ సిరీస్‌కు సంబంధించిన వ‌ర్క్ షాప్ త్వ‌ర‌లోనే ప్రారంభం కానుంది. అమెరికన్ వెబ్ సిరీస్ సిటాడెల్‌ (Citadel)ను ఆధారంగా చేసుకుని ఈ బాలీవుడ్ వెబ్ సిరీస్ రూపొంద‌నుంది. ఇందులో స‌మంత స్పై పాత్ర‌లో క‌నిపించ‌నుంది. ఆమెతో పాటు వ‌రుణ్ ధావ‌న్ (Varun Dhawan) కూడా న‌టిస్తున్నాడు. రూసో బ్ర‌ద‌ర్స్ ఈ వెబ్ సిరీస్‌ను నిర్మిస్తున్నారు. కొన్ని రోజులుగా యు.ఎస్‌లోనే ఉంటున్న స‌మంత దాదాపు రెండు వారాల త‌ర్వాత త‌న సోష‌ల్ మీడియాలో పోస్ట్ చేసింది. త‌న పెంపుడు కుక్క‌కు సంబంధించిన ఫొటోను ఆమె షేర్ చేసింది. ఈ ఫొటోపై హీరో వ‌రుణ్ ధావ‌న్ స‌హా నెటిజ‌న్స్ రియాక్ట్ అయ్యారు.

ప్ర‌స్తుతం స‌మంత ప్ర‌ధాన పాత్ర‌ల్లో న‌టించిన రెండు సినిమాలు పాన్ ఇండియా రేంజ్‌లో విడుద‌ల‌కు సిద్ధ‌మవుతున్నాయి. అందులో ఒక‌టి య‌శోద‌ (Yashoda)... ఇది సస్పెన్స్ థ్రిల్ల‌ర్ జోన‌ర్‌లో తెర‌కెక్కిన చిత్రం. మ‌రో చిత్రం శాకుంత‌లం (Shaakuntalam). ఇది మైథ‌లాజిక‌ల్ మూవీ. ఈ రెండు సినిమాలు పోస్ట్ ప్రొడ‌క్ష‌న్ కార్య‌క్ర‌మాల‌ను పూర్తి చేసుకునే ప‌నిలో ఉన్నాయి. వ‌రుస సినిమాల‌తో స‌మంత ఫుల్ బిజీగా ఉంది.