అక్కినేని వారి పెళ్లి అప్డేట్స్: సామ్-చైతూ ఎక్కడ?

అక్కినేని నాగచైతన్య, సమంతలు త్వరలోనే వివాహ బంధంతో ఒక్కటి కాబోతున్నారు. అక్టోబర్ 6,7 తేదీల్లో వీరి వివాహం జరగబోతుందని గతంలో చైతు వెల్లడించాడు. ఇటీవల వీరి వివాహానికి సంబంధించి పెళ్లి కార్డ్ కూడా బయటకు వచ్చింది. వీరి పెళ్లికి ఎక్కువ సమయం లేదు. అందుకే ఇప్పటినుండే సమంత, చైతులు తన పెళ్ళికి సంబంధించిన షాపింగ్‌ను మొదలుపెట్టేశారట. ఆ విషయాన్ని అక్కినేని అమల స్వయంగా తెలిపారు.

ఇటీవల ఓ ఇంటర్వ్యూలో పాల్గొన్న ఆమె.. 'షాపింగ్, పెళ్లి ఏర్పాట్లకు సంబంధించి చైతు, సమంత చాలా బిజీగా ఉన్నారు. మరోవైపు వారు అంగీకరించిన ప్రాజెక్ట్స్‌ను పూర్తి చేసే పనిలో ఉన్నారు. ఇద్దరు సినిమా రంగానికి చెందిన వారు కావడంతో మీడియా ఫోకస్ ఎక్కువైంది. మాకు మాత్రం వారు పిల్లలే .. అందుకే పెళ్లి బాధ్యత మొత్తాన్ని నేను, నాగార్జున తీసుకున్నాం' అని వెల్లడించారు. ఈ వివాహాన్ని నిరాడంబరంగా సాగాలని ఇరు కుటుంబ సభ్యులు నిర్ణయించుకున్నట్లు అమల ఈ సందర్భంగా వెల్లడించారు.