సమంత ఆవేదన: నా పెళ్లి ఇంత పని చేస్తుందనుకోలేదు

సమంత టాలీవుడ్‌కి వచ్చిన అతి తక్కువ కాలంలోనే టాప్ హీరోయిన్ అయ్యింది. వరుసగా స్టార్ హీరోల పక్కన సినిమాలను చేస్తూ అవకాశాలను అందిపుచ్చుకుంది. మహేష్ బాబు, పవన్ కళ్యాణ్, ఎన్టీఆర్ లాంటి హీరోలతో వరుస అవకాశాలను అందిపుచ్చుకుంది. అయితే ఈ అమ్మడికి ప్రస్తుతం బ్యాడ్ టైం నడుస్తుంది. ఈ విషయాన్ని స్వయంగా సమంతే తెలంపడం విశేషం. ‘నా పెళ్లి వార్తను బయటకు చెప్పడం వల్లే నాకు అవకాశాలు రావడం లేదంటూ’ తెగ బాధపడిపోతుంది.

వాస్తవానికి సమంతకు వరుస ఆఫర్స్ వస్తున్నాయని , చైతూతో పెళ్లి పనుల్లో బిజీగా ఉండటం వల్ల అవకాశాలను వదులుకుంటుందని, రకరకాల వార్తలు వచ్చాయి. అయితే సమంత తనకసలు ఆఫర్స్ రావడం లేదని, నా పెళ్లి ప్లాన్ చెప్పాక మొత్తానికి సినీ ఆఫర్స్ రావడం తగ్గిపోయాయని ఆసక్తికర విషయాలను తెలిపింది.

ఇటీవల ఓ ఇంగ్లీషు డైలీకి ఇచ్చిన ఇంటర్వ్యూలో ఆమె మనస్తాపంగా మాట్లాడింది. తన పెళ్లి విషయం ప్రకటించగానే ఆఫర్స్ రావడం తగ్గిపోయిందని, సంవత్సరం పాటు హిట్ సినిమాలు ఇచ్చానని, అయినా నిర్మాతలు ఇప్పుడు వెనుకంజ వేస్తున్నారని సమంత చెప్పింది.

హిట్ ట్రాక్‌లో ఉన్నప్పుడు కూడా ఇలాంటి వింత పరిస్థితి ఏంటో నాకర్థం కావడం లేదంటూ.. తమిళంలోనూ తెలుగులోనూ ఇదే పరిస్థితి ఉందని వాపోయింది. తమిళంలో నేను నటించిన 24 మూవీ, తెలుగులో అ..ఆ, జనతా గ్యారేజ్ వంటి తెలుగు సినిమాలు హిట్ కాలేదా అని ఆమె ప్రశ్నించింది.

అయితే తనకు ఆఫర్స్ రాకపోవడానికి తన మామ హీరో నాగార్జునకి ఉన్న స్టార్ ఇమేజ్ కూడా ఒక కారణం అని అంటుంది. బడా హీరోకి కోడలు కాబోతున్న పెద్ద హీరోయిన్‌తో ఎలా పని చేస్తామని ప్రొడ్యూసర్లు వెనకడుగు వేస్తున్నారని, కానీ పెళ్ళయ్యాక కూడా నటించడానికి తనకు అభ్యంతరం లేదని పేర్కొంది. నాగ చైతన్య కూడా తనకు ఎంతో సపోర్ట్ చేస్తున్నాడని సమంత వెల్లడించింది.

అమ్మడు సినిమాలతో బిజీగా ఉన్న సమయంలోనే యాడ్స్‌లోనూ మెరిసేది. అయితే సినిమాలతో పాటు యాడ్స్ ఆఫర్స్ కూడా తగ్గిపోయాయని, ప్రారంభోత్సవ కార్యక్రమాలకు అసలు సంప్రదించడమే మానేశారని సమంత ఆవేదనగా తెలిపింది.