మతం మార్పుపై యాంగ్రీబర్డ్ అయిన సమంత

సామ్- చైతూల గురించి అందరికీ తెలిసిందే. ఇక ఇటీవల నాగార్జున, సమంత, నాగచైతన్య కలిసి ప్రత్యేకంగా పూజల్లో పాల్గొన్నారు. వాటికి సంబంధించిన ఫోటోలు కూడా ఇంటర్నెట్ లో లీక్ అయ్యాయి. అయితే క్రిస్టియన్ అయిన సమంత హిందూ పూజల్లో పాల్గొంది అంటే ఆమె మతం మార్చుకుంది అంటూ వార్తలు జోరుగా వినిపించాయి. మీడియా కూడా వీటిపై పలు వార్తలను ప్రచురించింది. ఇప్పుడు ఈ వార్తలు సమంత వరకూ వెళ్లాయి. వీటి గురించి తెలుసుకున్న సమంత చాలా సీరియస్ అవుతోందట. నేను మతం మార్చుకోవడం ఏంటి..? అంటూ సన్నిహితుల వద్ద వాపోతుందట. అంతేకాదు ఈ వార్తలకు ఫుల్ స్టాప్ పెట్టాలనే ఉద్దేశంతో చైతూతో తన పెళ్లిని ముందుగా క్రైస్తవ సంప్రదాయాల ప్రకారం జరిపి ఆ తర్వాత హిందూ సంప్రదాయాల ప్రకారం మరోసారి పెళ్లాడాలని కోరుకుంటుంది. ఇప్పటికే నాగార్జున దగ్గర ఈ విషయం మాట్లాడినట్లు కూడా చెప్తున్నారు.



మరోవైపు నాగ చైతన్య తమ పెళ్లిపై క్లారిటీ ఇచ్చాడు. ముందుగా అఖిల్ పెళ్లి జరిగిన తర్వాతే తమ పెళ్లి అని స్పష్టం చేశాడు. పెళ్లి తర్వాత కూడా సమంత నటిస్తుందని చైతూ చెప్తున్నాడు.