అవసరమైతే రేటు తగ్గిస్తానంటున్న సమంత!

'అ..ఆ' తర్వాత ఈమధ్యే 'మహానటి' మూవీకి ('టైటిల్ రోల్ కాదు) సైన్ చేసిన సమంత అవరసమైతే తన పారితోషికం తగ్గించడానికైనా సిద్ధం అంటోంది. అదేంటి.. టాప్ హీరోయిన్‌గా సమంతకి మార్కెట్‌లో మంచి డిమాండే వుంది కదా... ఇక తగ్గాల్సిన అవసరం ఆమెకేంటి అనే సందేహం రావొచ్చేమో! అయితే, ఆమె అవసరం మాత్రం వేరేవుండిలెండి!

డిమాండ్ వున్న హీరోయిన్‌గా ఎన్నో సినిమాలు చేసి టాప్ హీరోయిన్ అనిపించుకున్న సమంతకి ఇక రెగ్యులర్ పార్మాట్ స్టోరీలు, పాత్రలు చేయడం అంతగా ఇష్టం లేదట. అందుకే మంచి ఆసక్తిగల కథనం, విభిన్నమైన పాత్రలతో ఎవరైనా ముందుకొస్తే, అవసరమైతే ఆ పాత్రల్ని అందిపుచ్చుకోవడం కోసం తాను తన పారితోషికం తగ్గించడానికైనా రెడీ అంటోంది సమంత.

ఇప్పుడు రూ. కోటిపైనే తీసుకుంటోన్న సమంత.. మంచి పాత్రగల స్టోరీ ఆఫర్ చేసేవారికోసం కోటికన్నా తక్కువే తీసుకుంటానంటోంది. సమంత అభిప్రాయం, అభిరుచి తెలిసింది కదా... ఇక మన రచయితలు తమ కలాలకి మరింత పదును పెడుతారేమో చూడాలి మరి!