హనీమూన్ రూమర్స్‌పై స్పందించిన సమంత

నాగచైతన్య, సమంతల పెళ్లి వార్త సోషల్ మీడియాలో, మీడియా సర్కిల్స్‌లో ఎప్పుడూ ఓ హాట్ టాపికే. వీళ్ల లవ్ ఎఫైర్ మొదలైనప్పటి నుంచి ఇటీవల పెళ్లి ముహూర్తం ఫిక్స్ అయ్యేంతవరకు అక్కినేని అభిమానులు, సమంత ఫాలోవర్స్ ఎప్పటికప్పుడు వీళ్ల పెళ్లి వార్తల్ని ట్రాక్ చేస్తూ వస్తున్నారు. అన్నింటికన్నా ముఖ్యంగా చైతూ, సమంతల హనీమూన్ న్యూస్‌కి బాగా క్రేజ్ రావడానికి కారణం ఆ ఇద్దరూ హనీమూన్ కోసం నెల రోజులపాటు విదేశాలకి వెళ్తున్నారనే పుకార్లు షికార్లు చేయడమే.

అయితే, తాజాగా ఆ వార్తలపై స్పందించిన సమంత.. అదంతా ఉత్తుత్తి రూమర్లేనని కొట్టిపారేసింది. గోవాలో పెళ్లి జరగనున్న మాట వాస్తవమే కానీ.. నెల రోజులపాటు హనీమూన్‌కి వెళ్తున్నామనే వార్తల్లో మాత్రం నిజం లేదు అని తేల్చి చెప్పిందట సమంత. అంతేకాకుండా పెళ్లయిన తర్వాత కేవలం మూడు రోజులకే మళ్లీ చైతూ, తాను సినిమా షూటింగ్స్‌తో బిజీ అవనున్నామని సమంత స్పష్టంచేసినట్టు సమాచారం.