అఖిల్ ఎంగేజ్‌మెంట్‌లో సమంత సందడి!

నాగచైతన్యకి కాబోయే భార్యగా, నాగ్ కుటుంబంలోనికి రాబోయే పెద్ద కోడలిగా ప్రచారంలో వున్న సమంత నిన్న అఖిల్ అక్కినేని ఎంగేజ్‌మెంట్ ఫంక్షన్‌లో చేసిన సందడి అంతా ఇంతా కాదు. హైదరాబాద్‌లోని జీవీకే హౌజ్‌లో జరిగిన ఈ ప్రైవేటు ఫంక్షన్‌లో సమంత సెంటరాఫ్ ఎట్రాక్షన్‌గా నిలిచింది.

కాబోయే కపుల్ అఖిల్-శ్రియ భూపాల్‌లకి చీర్స్ చెబుతూ సందడి చేసిన సమంత... ఫంక్షన్ అయిపోయాకా, ఆ కుటుంబంతో కలిసి కెమెరాలకి ఇచ్చిన ఫోజులని సైతం ట్విటర్‌లో ఫ్యాన్స్‌తో షేర్ చేసుకుంది. నాగచైతన్యతో కలిసి నాగ్ కుటుంబానికి అత్యంత సన్నిహితంగా సమంత మెదిలిన తీరు కూడా ఈ ఫంక్షన్‌లో మరో హైలైట్ అయ్యింది.

కొత్త జంటకు కంగ్రాట్స్ చెబుతూ సమంత షేర్ చేసుకున్న ఈ ఫోటోలు కూడా ఎంగేజ్‌మెంట్‌లో సమంతలాగే సోషల్ మీడియాలో తెగ సందడి చేస్తున్నాయి.