చైతూతో డేటింగ్‌లో ఉన్నా!: సమంత

అవును నేను చైతో డేటింగ్ లో ఉన్నా, మేమిద్దరం వచ్చే ఏడాది పెళ్లి చేసుకోవాలనుకుంటున్నం. చైతూనే నా ప్రపంచం, నా మార్గదర్శి. సంక్షోభంలో ఉన్న నా జీవితానికి ప్రశాంతతను, స్థిరత్వాన్ని కల్పించాడు. సింపుల్‌గా చెప్పాలంటే నావకు లంగరు ఎలాగో నా జీవితానికి చైతూ అలా.. అంటూ నాగ చైతన్యపై తన ప్రేమను వ్యక్తపరిచింది సమంత.

లవ్ బర్డ్స్ నాగ చైతన్య- సమంతల గురించి బయటకు వచ్చే ప్రతీ వార్త ఆసక్తికరంగానే ఉంటుంది. తమ ప్రేమ- పెళ్లి గురించి ఎప్పుడు బయటకు చెప్పని ఈ జంట.. పెద్దలు వారి పెళ్లికి ఓకే చెప్పటం, సామ్- చైతూ ఎప్పుడంటే అప్పుడే పెళ్లి అని మీడియాలో ప్రకటించటంతో ఇప్పుడు సామ్, చైతూలు కూడా మాట్లాడుతున్నారు. ఇటీవలే తన పెళ్లి గురించి నాగ చైతన్య కూడా మీడియాలో మాట్లాడాడు. ఇప్పుడు సమంత కూడా ఓపెన్ గానే చైతూతో తన రిలేషన్ గురించి చెప్తోంది. సమంత ధైర్యంగా ఓ ఇంటర్వ్యూలో 'అవును.. నేను చైతో డేటింగ్‌లో ఉన్నా' అని చెప్పేసింది. అంతేకాదు పెళ్ళైన తరువాత నటనకు దూరమవుతారా అని అడిగిన ప్రశ్నకు.. పెళ్లి అయిన తరువాత సినిమాలను ఎందుకు వదులుకోవాలి.. నా నటనను ప్రోత్సహించే వ్యక్తిని పెళ్లి చేసుకోబోతున్నాను. అటువంటి ఫ్యామిలిలోకి కోడలిగా వెళ్తున్నాను. దర్శకనిర్మాతలు వద్దు అనేవరకు నేను నటిస్తూనే ఉంటా.. అంటూ ఈ చుల్‌బులి చెప్పుకొచ్చింది.