రంగస్థలం కాంబో: మళ్లీ చెర్రీతో సమంత?

రామ్ చరణ్ హీరోగా, సమంత హీరోయిన్‌గా తెరకెక్కిన రంగస్థలం మార్చి 30న విడుదలకు సిద్ధం అవుతోంది. సుకుమార్ దర్శకత్వం వహించిన ఈ మూవీపై భారీ అంచనాలు ఉన్నాయి. కాగా.. చెర్రీ, సామ్ మరో సినిమాలో కనిపించబోతున్నారని తెలుస్తోంది. ఎన్టీఆర్, రామ్‌చరణ్ హీరోలుగా రాజమౌళి డైరెక్షన్లో తెరకెక్కనున్న మల్టీస్టారర్‌లో సమంత నటించనున్నట్లు సమాచారం.

ఈ ప్రతిష్టాత్మక సినిమాలో నటించేందుకు రకుల్ ప్రీత్ సింగ్, రాశీ ఖన్నాలు ఆసక్తి చూపుతున్నారు. కానీ చెర్రీ సరసన సమంతనే ఫైనల్ చేశారనే వార్తలు తాజాగా హల్‌చల్ చేస్తున్నాయి. ఈ వార్తలు నిజమైతే.. చెర్రీ, సామ్‌ను మరోసారి తెరపై చూసే అవకాశం అభిమానులకు కలగనుంది.

ప్రస్తుతం సావిత్రి జీవితం ఆధారంగా తెరకెక్కుతోన్న మహానటి సినిమాలో జర్నలిస్ట్ పాత్రలో సమంత నటిస్తోంది. తమిళంలో విశాల్ సరసన ఇరుంబు థిరై అనే మూవీలో యాక్ట్ చేస్తోంది. ఈ మూవీ ద్వారా పీఎస్ మిథరన్ దర్శకుడిగా పరిచయం అవుతున్నారు.