సమంత దుస్తుల వేలం.. త్వరపడండి!

సినిమాల్లో హీరోహీరోయిన్లు ధరించిన దుస్తులకు ఎంత క్రేజ్ ఉంటుందో ప్రత్యేకంగా చెప్పనక్కర్లేదు. వారు ధరించిన దుస్తుల మోడల్స్ బాగా పాపులర్ అవుతాయి. డిజైనింగ్ సంస్థలు.. సినిమాల్లో హీరోల దుస్తుల డిజైన్లను అనుకరిస్తూ, కొత్త వాటిని రూపొందించి మార్కెట్లోకి తీసుకొస్తూ ఉంటాయి. అలాంటి వాటిని కొనుగోలు చేయడానికి జనాలంతా ఎగబడుతూ ఉంటారు. మోడల్ దస్తులకే అంత క్రేజ్ అంటే, సినిమాల్లో తారలు ధరించిన దుస్తులకు మరింత క్రేజ్ ఉంటుందని వేరే చెప్పనక్కర్లేదు.

అలాంటి దస్తులను సదరు తారలు వేలం వేస్తూ ఉంటారు. ఇప్పుడు సమంత కూడా ఇదే దారిలో నడుస్తోంది. తను వివిధ సినిమాల్లో ధరించిన దుస్తులను వేలం వేయనుందామె. ఈ రోజు సాయంత్రమే వేలం. మరి ఈ దుస్తుల వేలాన్ని ఒక సదుద్దేశంతో వేస్తోందామె. ‘ప్రత్యూష’ అనే స్వచ్ఛంద సంస్థ కు సమంత బాసటగా ఉంటుందోనేది తెలిసిన సంగతే. ఇప్పుడు తన దుస్తుల వేలం ద్వారా వచ్చే డబ్బును ప్రత్యూష కోసం వినియోగించాలని ఆమె భావిస్తోంది.

ఈ వేలం ద్వారా లభించే సొమ్ము ఆ విధంగా ఉపయుక్తం కానున్నదనమాట. సమంత దుస్తుల వేలం ఆన్ లైన్ లోనే సాగుతుంది. 'Pratyusha Support FB page' లో ఈ వేలం సాగుతుంది. ఈ రోజు(శుక్రవారం) సాయంత్రం ఆరున్నర గంటలకు ఈ వేలం ప్రారంభం అవుతుంది. మరి సమంత అభిమానులకు ఇదొక మంచి అవకాశం. ఆమె ధరించిన దుస్తులను సొంతం చేసుకోవడం తో పాటు.. ఒక మంచి పని కోసం డబ్బును డొనేట్ చేసినట్టుగా కూడా అవుతుంది. ఇంకెందుకాలస్యం త్వరపడండి మరి!