సినీ జంట 8 ఏళ్ల ప్రేమ.. త్వరలో పెళ్లి

మరో రీల్ లైఫ్ ప్రేమజంట రియల్ లైఫ్‌లో భార్యాభర్తలు కాబోతున్నారు. వారి ఎనిమిదేళ్ల ప్రేమబంధాన్ని పెళ్లితో మరింత దృఢం చేసుకోబోతున్నారు. తాజాగా టాలీవుడ్‌లో సమంత- నాగచైతన్యలు పెళ్లిపీటలు ఎక్కగా.. శాండిల్‌వుడ్‌కి చెందిన మరో బ్యూటిఫుల్ లవ్ కపుల్స్ త్వరలోనే పెళ్లిపీటలు ఎక్కేందుకు రెడీ అయ్యారు. కన్నడ మూవీ ‘ఆటగార’లో జోడీకట్టిన చిరంజీవి సర్జా, మేఘనా రాజ్ జంట రియల్ లైఫ్ పార్టనర్స్‌గా మారబోతున్నారు.

సుమారు ఎనిమిది సంవత్సరాలుగా ప్రేమలో ఉన్న ఈ జంట పెళ్లికి ఇరు కుటుంబ సభ్యులు గ్రీన్ సిగ్నల్ ఇవ్వడంతో వచ్చే డిసెంబర్‌ రెండో వారంలో వివాహబంధంతో ఒకటికానున్నారు. కాగా ఈనెల 22న ఘనంగా నిశ్చితార్థ వేడుకను నిర్వహించనున్నారు. ఇదిలాఉంటే చిరంజీవి సర్జా, మేఘనా రాజ్ ఇద్దరూ సినిమా నేపథ్యం ఉన్న కుటుంబాలనుండి వచ్చినవారే. చిరంజీవి సర్జా.. ప్రముఖ నటుడు, దర్శకుడు అర్జున్ సర్జా మేనల్లుడు కాగా.. మేఘనా రాజ్ సుందర్ రాజ్, ప్రమీలా జో సాయి దంపతుల కుమార్తె.