పవన్ కు ఇంకో హీరోయిన్ మద్దతు!

కత్తి మహేశ్ వర్సెస్ పవన్ కల్యాణ్..మాటల యుద్ధంలో మరో హీరోయిన్ తలదూర్చింది. ఇది వరకే ఈ అంశంలో పలువురు సినిమా వాళ్లు రియాక్ట్ అయ్యారు. వారంతా వ్యవహారం మరీ వేడెక్కకుండా చూడటానికి ప్రయత్నించారు. అయితే వారిలో నటి పూనమ్ కౌర్ మాత్రం కాస్త డిఫరెంట్ గా స్పందించింది. ఆ తర్వాత వివాదం ఆమెపైకి మళ్లింది.

ఆ తర్వాత పలు ట్వీట్లు పెట్టి.. ఆపై వాటిని డిలీట్ చేసింది పూనమ్ కౌర్. ఇక ఈ వివాదంపై స్పందించిన మరో హీరోయిన్ గా నిలుస్తోంది సంజన. తెలుగులో ‘బుజ్జిగాడు’ వంటి సినిమాలో నటించింది ఈమె. ఆ తర్వాత పెద్దగా అవకాశాలు రాలేదు కానీ.. ఆ మధ్య పవన్ కల్యాణ్ ‘సర్ధార్ గబ్బర్ సింగ్’ లో ఈమె నటించింది. ఆ అనుబంధంతోనే తాజా వివాదంపై ఈమె స్పందించినట్టుగా ఉంది.

ఇంతకీ సంజన ఏమంటోందంటే...‘‘కొంతమంది వ్యక్తులకు కష్టపడి పనిచేసి పేరు తెచ్చుకోలేక పేరు ప్రఖ్యాతులున్న వారిని.. విజేతలుగా నిలిచిన వారిపై రాళ్లేయడం ద్వారా పాపులర్ అవుదామని చూస్తారు. మేమంతా మీతో ఉన్నాం’’అంటూ పవన్ కల్యాణ్ అధికారిక ట్విటర్ అకౌంట్ ను ట్యాగ్ చేస్తూ సంజన ట్వీటు పెట్టింది. తద్వారా ఈమె పీకే వర్సెస్ కత్తి మహేశ్ యుద్ధంలో ఇన్ వాల్వ్ అయ్యింది.


ఈ ట్వీట్ తో పాటు ఆమె పవన్ కల్యాణ్ తో తను తీయించుకున్న ఫొటోను కూడా పెట్టింది. మరి ఈమె విషయంలో కూడా కత్తి మహేశ్ స్పందిస్తాడా? అనేది ఆసక్తిదాయకంగా మారింది. Certain people should find better ways to get noticed & practice hard work instead of finding fame in trying to defaming the dignified & successful . We are with u @PawanKalyan sir . pic.twitter.com/m1OJLowRgi — Sanjjjanaa galrani❤️ (@actressanjjanaa) January 7, 2018