ఫస్ట్‌లుక్‌లోనే అదరగొట్టిన సైఫ్ అలీ ఖాన్ కూతురు!

బాలీవుడ్ స్టార్ హీరో సైఫ్ అలీఖాన్ కూతురు సారా అలీఖాన్‌ని సినీ పరిశ్రమకు పరిచయం చేస్తోన్న 'కేదార్‌నాథ్' సినిమా ఫస్ట్ లుక్ వచ్చేసింది. రొమాంటిక్ లవ్‌స్టోరీ నేపథ్యంతో తెరకెక్కుతున్న కేదార్‌నాధ్ ఫస్ట్‌లుక్‌లో సారా అలీ ఖాన్‌ని గ్లామరస్‌గా ప్రజెంట్ చేశాడు డైరెక్టర్ అభిషేక్ కపూర్.

ఉత్తరాఖండ్‌లోని కేదార్‌నాథ్ పుణ్యక్షేత్రాన్ని వరదలు చుట్టుముట్టిన ఘటనను ఆధారంగా చేసుకుని అల్లుకున్న ఓ ప్రేమ కథ సారాంశమే ఈ కేదార్‌నాథ్ సినిమా. ఈ సినిమాలో సుశాంత్‌సింగ్ రాజ్‌పుత్ సరసన సారా అలీ ఖాన్ జంటగా నటిస్తోంది.

కేదార్‌నాధ్ ఫస్ట్‌లుక్‌లో సారా అలీ ఖాన్‌ని చూస్తోంటే, ఆమె తల్లి అమృత సింగ్‌ని యంగ్ హీరోయిన్‌గా వున్నప్పుడు చూసినట్టుగానే వుందంటున్నాయి బాలీవుడ్ మీడియా వర్గాలు.