మహేశ్ తండ్రి పాత్రలో ప్రముఖ తమిళనటుడు!

కొరటాల శివ దర్శకత్వంలో మహేశ్ బాబు హీరోగా రూపొందనున్న ‘భరత్ అను నేను..’ సినిమాకు సంబంధించి ఆసక్తికరమైన అప్ డేట్స్ వస్తున్నాయి. సినిమాలో మహేశ్ తండ్రి పాత్రలో ప్రముఖ తమిళనటుడు నటించనున్నట్టుగా తెలుస్తోంది. ఆయన మరెవరో కాదు.. శరత్ కుమార్. తమిళనాట యాక్షన్ హీరోగా స్టార్ డమ్ ను కలిగిన శరత్ కుమార్ తెలుగులో క్యారెక్టర్ తరహా పాత్రల్లో కనిపిస్తూ ఉంటారు.

ఈ క్రమంలో మహేశ్ సినిమాలో తండ్రి పాత్రకు శరత్ కుమార్ ను తీసుకుంటున్నట్టు సమాచారం. కొరటాల శివ సినిమాల్లో తండ్రి పాత్రలకు చాలా ప్రాధాన్యతే ఉంటుంది. ‘మిర్చి’ సినిమాలో హీరో తండ్రి పాత్రలో సత్యరాజ్ మెరిశారు. ఇక ‘శ్రీమంతుడు’ సినిమాలో జగపతిబాబు హీరోకి తండ్రిగా నటించి ఆకట్టుకున్నారు. ‘జనతా గ్యారేజ్’ లో హీరో ఎన్టీఆర్ కి గాడ్ ఫాదర్ తరహా పాత్రలో మోహన్ లాల్ ను నటింపజేశారు.




ఈ క్రమంలో మహేశ్ సినిమా కోసం శరత్ కుమార్ ను ఎంచుకున్నారట కొరటాల. ఇది వరకూ అల్లు అర్జున్ సినిమా ‘బన్నీ’లో హీరోకి తండ్రి పాత్రలో నటించారు శరత్ కుమార్.