Saravana Stores Owner Saravanan Debut Movie Launched To Be Directed By Jd And Jerry
హీరోగా వస్తోన్న శరవణ స్టోర్స్ యజమాని.. భారీ చిత్రాన్ని నిర్మిస్తోన్న ‘లెజెండ్’
టీవీ వాణిజ్య ప్రకటనల ద్వారా బాగా పాపులర్ అయిన శరవణ స్టోర్స్ యజమాని శరవణన్ తమిళ సినీ ఇండస్ట్రీలోకి అడుగుపెడుతున్నారు. హీరోగా, నిర్మాతగా తన సినీ ప్రయాణాన్ని ప్రారంభించారు. ఈ మేరకు హీరోగా, నిర్మాతగా తన తొలి సినిమాను మొదలుపెట్టారు. చెన్నైలోని వడపళనిలో ఉన్న ఏవీఎం స్టూడియోస్‌లో ఆదివారం ఈ చిత్రాన్ని పూజా కార్యక్రమాలతో ఘనంగా ప్రారంభించారు.
Samayam Telugu2 Dec 2019, 3:55 pm
టీవీ వాణిజ్య ప్రకటనల ద్వారా బాగా పాపులర్ అయిన శరవణ స్టోర్స్ యజమాని శరవణన్ తమిళ సినీ ఇండస్ట్రీలోకి అడుగుపెడుతున్నారు. హీరోగా, నిర్మాతగా తన సినీ ప్రయాణాన్ని ప్రారంభించారు. ఈ మేరకు హీరోగా, నిర్మాతగా తన తొలి సినిమాను మొదలుపెట్టారు. చెన్నైలోని వడపళనిలో ఉన్న ఏవీఎం స్టూడియోస్‌లో ఆదివారం ఈ చిత్రాన్ని పూజా కార్యక్రమాలతో ఘనంగా ప్రారంభించారు.
Samayam Teluguహీరోగా వస్తోన్న శరవణ స్టోర్స్ యజమాని.. భారీ చిత్రాన్ని నిర్మిస్తోన్న ‘లెజెండ్’
‘లెజెండ్’ శరవణన్
‘లెజెండ్’ శరవణన్‌గా తనను తాను పాపులర్ చేసుకున్న శరవణన్.. తన స్టోర్ కమర్షియల్ యాడ్స్‌లో తమన్నా, హన్సిక వంటి స్టార్ హీరోయిన్‌లతో స్టెప్పులేసి విపరీతమైన పాపులారిటీ సంపాదించుకున్నారు. ఈ యాడ్స్ తెలుగులో కూడా వస్తున్నాయి. ఇక్కడ కూడా ఆయన చాలా మందికి తెలుసు. శరవణన్ హీరోగా మారుతున్నారని, సినిమా తీయబోతున్నారని ఎప్పటి నుంచో రూమర్స్ నడుస్తున్నాయి. అవన్నీ ఇప్పుడు నిజమయ్యాయి.
ప్రొడక్షన్ నంబర్ 1
ది లెజెండ్ న్యూ శరవణ స్టోర్స్ సమర్పణలో ప్రొడక్షన్ నంబర్ 1గా ఈ చిత్రాన్ని నిర్మిస్తున్నారు. జేడీ, జెర్రీ (జోసెఫ్ డి సామి, జెరాల్డ్ అరోకియామ్) ద్వయం దర్శకత్వం వహిస్తోంది. అజిత్, విక్రమ్, మహేశ్వరి ప్రధాన పాత్రల్లో 1997లో వచ్చిన ‘ఉల్లాసం’ సినిమాకు వీళ్లే దర్శకత్వం వహించారు. ప్రముఖ బాలీవుడ్ నటుడు అమితాబ్ బచ్చన్ ఈ సినిమాకు నిర్మాత. అప్పట్లో ఈ సినిమా మంచి విజయం సాధించింది.
భారీ తారాగణం
ఏవీఎం స్టూడియోస్‌లో జరిగిన ఈ చిత్ర ప్రారంభోత్సవంలో పాల్గొన్న ఏవీఎం శరవణన్ కెమెరా స్విచ్ ఆన్ చేశారు. ప్రముఖ దర్శకుడు ఎస్పీ ముత్తురామన్ ముహూర్తపు సన్నివేశానికి క్లాప్‌నిచ్చారు. ఈ సినిమా ద్వారా గీతికా తివారి హీరోయిన్‌గా పరిచయం అవుతున్నారు. ప్రభు, వివేక్, విజయ్ కుమార్, నాజర్, తంబి రామై, కాళీ వెంకట్, మయిలసామి, లత, కోవై సరళ, దేవి మహేష్ వంటి ప్రముఖ నటులు ఈ చిత్రంలో నటిస్తున్నారు. అలాగే, మరో ప్రముఖ నటి ఈ చిత్రంలో కీలక పాత్ర పోషించనున్నట్టు సమాచారం.
హేరిస్ జయరాజ్ సంగీతం
‘అపరిచితుడు’, ‘ఘర్షణ’, ‘ఆరెంజ్’ వంటి భారీ చిత్రాలకు మ్యూజిక్ కంపోజ్ చేసిన హేరిస్ జయరాజ్ ఈ చిత్రానికి సంగీతం సమకూరుస్తున్నారు. వేల్‌రాజ్ సినిమాటోగ్రఫీ అందించనున్నారు. ఎస్.ఎస్.మూర్తి ఆర్ట్ డైరెక్టర్. రూబెన్ ఎడిటింగ్ బాధ్యతలు చూసుకుంటారు. పట్టుకొట్టాయి ప్రభాకర్ డైలాగ్స్ రాస్తున్నారు. ‘మీటూ’ ఆరోపణలు ఎదుర్కొన్న ప్రముఖ గేయ రచయిత వైరముత్తు సాహిత్యం అందిస్తున్నారు. చెన్నై, పొలాచ్చి, హిమాలయాలు తదితర సుందరమైన ప్రదేశాల్లో షూటింగ్ జరపనున్నారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
