Maadhavi Latha: మా నాయకుడు ఓట్లు అడగమని చెప్పాడు కొనమని కాదు.. మాధవీలత ఖతర్నాక్ కామెంట్

ప్రస్తుత బీజేపీ నేత, హీరోయిన్ మాధవీలతకు పవన్ కళ్యాణ్ అంటే ఎంతిష్టమో ప్రత్యేకంగా చెప్పాల్సిన అవసరమే లేదు. ఎన్నో సందర్భాల్లో ఆమె పవన్‌పై అభిమానం, ప్రేమ కురిపిస్తూ సోషల్ మీడియాలో పోస్టులు పెట్టింది. అయితే ఈ సారి మాత్రం ఏకంగా గతంలో పవన్ అనుకున్న టైటిల్‌తో కొత్త సినిమా చేస్తోంది మాధవీలత. ''మా నాయకుడు ఓట్లు అడగమని చెప్పాడు కొనమని కాదు'' అంటూ రంగం లోకి దిగుతోంది.

మాధవీలత లీడ్ రోల్‌లో 'సత్యాగ్రహి' పేరుతో ప‌వ‌న్ క‌ళ్యాణ్ సిద్దాంతాల స్ఫూర్తితో కొత్త సినిమాను రూపొందిస్తున్నాడు డైరెక్టర్ కృష్ణ చైత‌న్య. శ్రీ భ‌విత క్రియేష‌న్స్ ప‌తాకంపై గంగారెడ్డి ఈ సినిమాను నిర్మిస్తున్నాడు. పవన్ కళ్యాణ్ పుట్టిన రోజు కానుకగా ఈ మూవీ ఫస్ట్‌లుక్ పోస్టర్ రిలీజ్ చేశారు మేకర్స్. ఇందులో మాధవీలత మైక్ పట్టుకొని ఎన్నికల ప్రచారంలో ఉన్నట్లుగా కనిపిస్తోంది. బ్యాక్‌గ్రౌండ్‌లో పవన్ కళ్యాణ్ స్టిల్ పెట్టి.. 'మా నాయకుడు ఓట్లు అడగమని చెప్పాడు కొనమని కాదు' అనే లైన్ రాసి సినిమాపై హైప్ పెంచేశారు మేకర్స్.

Also Read: రేర్ కిస్ అంటూ నడిరోడ్డు పైనే కానిచ్చేసిన నాగ్ హీరోయిన్.. అమ్మడి రొమాంటిక్ వేషాలు మామూలుగా లేవే..!

ప‌వ‌న్ క‌ళ్యాణ్ స్ఫూర్తిగా ఆయన సిద్ధాంతాలను ప్ర‌జ‌ల్లోకి తీసుకెళ్లే క్రమంలో ఓ న‌లుగురు ఫ్యాన్స్ సమాజాన్ని మార్చే బాధ్య‌త‌ తీసుకుంటే ఎలా ఉంటుంద‌నే క‌థాంశంతో ఈ మూవీ రూపొందుతోంది. ఇప్పటికే ఈ మూవీ షూటింగ్ ఫినిష్ అయినట్లు చిత్రయూనిట్ పేర్కొంది. ప్రస్తుతం పోస్ట్ ప్రొడక్షన్ పనుల్లో యూనిట్ నిమగ్నమై ఉందట. సాయి కార్తీక్ మ్యూజిక్ అందిస్తున్న ఈ చిత్రాన్ని అతిత్వరలో ప్రేక్షకుల ముందుంచేలా ప్లాన్ చేస్తున్నారు మేకర్స్. ఇక ఈ సినిమాను పవన్ కళ్యాణ్‌కి అంకితమిస్తున్నానని తెలుపుతూ హీరోయిన్ మాధవీలత ఖతర్నాక్ పోస్ట్ పెట్టడం విశేషం.