ఆ హీరోను పెళ్లిచేసుకోవాలని ఉంది: సయేషా సైగల్

'అఖిల్' చిత్రంతో తెలుగు తెరకు పరిచయమయిన బాలీవుడ్ భామ సయేషా సైగల్ తెలుగులో మొదటి సినిమా కావడంతో అఖిల్ పై అమ్మడు చాలానే ఆశలు పెట్టుకుంది. కానీ సినిమా కాస్త బోల్తా కొట్టడంతో ఈ బ్యూటీని పట్టించుకునే వారే లేకుండా పోయారు. దీంతో బాలీవుడ్ కు చెక్కేసి అజయ్ దేవగన్ హీరోగా నటిస్తోన్న 'శివాయ్' చిత్రంలో ఛాన్స్ కొట్టేసింది. ఈ సినిమా శుక్రవారం విడుదలైన సందర్భంగా ముంబైలో జరిగిన ప్రమోషన్ కార్యక్రమాల్లో పాల్గొన్న సయేషా పలు ఆసక్తికర వ్యాఖ్యలను చేసింది.

మీరు ఎవర్నైనా పెళ్లిచేసుకోవాలని అనుకుంటున్నారా..? అని ఓ విలేకరి అడిగిన ప్రశ్నకు సమాధానంగా టక్కున రణబీర్ కపూర్ ను పెళ్లి చేసుకోవాలనుందని చెప్పి అందరినీ ఆశ్చర్యానికి గురి చేసింది. అలానే అజయ్ దేవగన్, షారూఖ్ ఖాన్, హృతిక్ రోశన్ లను కూడా తెగ పొగిడేసింది. తెలుగులో ఎంట్రీ కలిసిరాలేదు కాబట్టి బాలీవుడ్‌పై భారీ ఆశలు పెట్టుకుందీ భామ. మరి శివాయ్ చిత్రం అమ్మడుకి ఎలాంటి పేరు తెచ్చిపెడుతుందో చూడాలి.