సీరత్ కపూర్ మళ్లీ మొదలెట్టింది!

తను నటించే సినిమాల సంగతి పక్కన పెడితే.. హాట్ ఫొటోస్‌తో పాపులారిటీని పెంచుకుంటోంది నటి సీరత్ కపూర్. ఇటీవల సోషల్ మీడియాలో హీటెక్కించే ఫొటోలను పోస్ట్ చేసిన ఈ బ్యూటీ తాజాగా మరో ఫొటోతో కుర్రకారు కంటి మీద కునుకు లేకుండా చేస్తోంది. ప్రస్తుతం ఈ భామ రవితేజ 'టచ్ చేసి చూడు' సినిమాలో నటిస్తోన్న సంగతి తెలిసిందే. ఈ సినిమాకు సంబంధించిన ఓ షెడ్యూల్‌ను పూర్తి చేసుకున్న సందర్భంగా ఆ విషయాన్ని ప్రస్తావిస్తూ.. ఓ హాట్ ఫోటోను కూడా పెట్టింది.

''స్టే ట్యూన్డ్ ఫర్ మోర్ ఆన్ ఇట్స్ రొమాంటిక్ పెయిర్'' అంటూ ఆమె ట్వీట్ చేయడంతో ఈ ఫొటో 'టచ్ చేసి చూడు' సినిమాలోదే అనిపిస్తోంది. ఇప్పుడు సోషల్ మీడియాలో ఈ ఫొటో వైరల్ అవుతోంది. ఈ ఫొటోను బట్టి సినిమాలో సీరత్, రవితేజల మధ్య రొమాన్స్ ఏ రేంజ్‌లో ఉంటుందో ఊహించుకోవచ్చు. తన తొలి సినిమా 'రన్ రాజా రన్'తోనే హిట్ అందుకున్న ఈ భామ ప్రస్తుతం ‘రాజుగారి గది 2’, ‘టచ్ చేసి చూడు’ సినిమాలతో పాటు అల్లు శిరీష్ నటిస్తోన్న సైంటిఫిక్ థ్రిల్లర్‌లో కూడా ఛాన్స్ దక్కించుకుంది.
Wrapping a luminous first schedule of #touchchesichudu ❤️ Stay tuned for more on its romantic pair! 😉 pic.twitter.com/rRgKt39BEk — Seerat Kapoor (@IamSeeratKapoor) May 7, 2017