ప్రముఖ కొరియోగ్రాఫర్‌ కన్నుమూత

1700లకు పైగా చిత్రాలకు కొరియోగ్రాఫీ అందించిన ప్రముఖ కొరియోగ్రాఫర్‌, డ్యాన్స్‌ మాస్టర్‌ శ్రీను మాస్టర్‌ (82) గుండెపోటుతో మృతి చెందారు. చెన్నైలోని ఆయన స్వగృహంలో మరిణించినట్టుగా కుటుంబ సభ్యులు వెల్లడించారు. 1970లలో కొరియోగ్రాఫర్‌గా ఇండస్ట్రీలో అడుగుపెట్టి శ్రీను మాస్టర్‌ ఎన్టీఆర్‌, ఏఎన్నార్‌, కృష్ణ, శోభన్ బాబు, కమల్‌ హాసన్‌ లాంటి స్టార్‌ హీరోల చిత్రాలకు కొరియోగ్రాఫర్‌గా పనిచేశారు.
Also Read: దుమ్ములేపుతున్న విజయ్‌.. మూడు గంటల్లోపే కోటి వ్యూస్‌

ఈ జనరేషన్‌ నటీనటులుకు కూడా ఆయన సుపరిచితుడే. క్లాసిక్స్‌గా నిలిచిపోయిన ఎన్నో చిత్రాలకు కొరియోగ్రఫీ అందించిన శ్రీను మాస్టర్.. స్వర్ణకమలం, శ్రీరామ రాజ్యం, రాధాగోపాలం లాంటి చిత్రాలకు గానూ నంది అవార్డను సైతం అందుకున్నారు. లెజెండరీ కొరియోగ్రాఫర్‌ హీరా లాల్‌ శిష్యుడిగా ఇండస్ట్రీలో అడుగుపెట్టిన శ్రీను మాస్టర్ స్వస్థలం కర్నూలు జిల్లా ఆదోని. ఆయన మృతి పట్ల పలువురు సినీ ప్రముఖులు సంతాపం వ్యక్తం చేశారు.
Also Read: సంక్రాంతికి స్టార్‌వార్‌.. నిలిచేదెవరూ..? గెలిచేదెవరూ..?