సీనియర్ సినిమాటోగ్రాఫర్ ఇక లేరు

సీనియర్ సినిమాటోగ్రాఫర్ శ్రీనివాస్ రెడ్డి ఉయ్యూరు ఇక లేరు. జగదేకవీరుడు, అమ్మదొంగ వంటి చిత్రాల్ని తెరకెక్కించిన సీనియర్ డైరెక్టర్ సాగర్‌కి సోదరుడైన శ్రీనివాస్ రెడ్డి ఇవాళ అపోలో ఆస్పత్రిలో తుదిశ్వాస విడిచారు. ఇటీవలే యాంకర్ రష్మీ ప్రధాన పాత్రలో రూపొందిన చారుశీల మూవీతో దర్శకుడిగా మారిన శ్రీనివాస్ రెడ్డి గతంలో కొన్ని చిత్రాలకి సహా నిర్మాతగానూ వ్యవహరించారు.

గత కొంతకాలంగా అనారోగ్యంతో బాధపడుతున్న శ్రీనివాస్ రెడ్డి మంగళవారం చికిత్స పొందుతూ ఆస్పత్రిలోనే మృతిచెందారు. శ్రీనివాస్ రెడ్డికి భార్య, ఓ కూతురు, కొడుకు ఉన్నారు. రేపు హైదరాబాద్‌లోనే శ్రీనివాస్ రెడ్డి అంత్యక్రియలు జరగనున్నట్టు సమాచారం. శ్రీనివాస్ రెడ్డి మృతిపట్ల పలువురు టాలీవుడ్ ప్రముఖులు దిగ్భాంతి వ్యక్తంచేశారు.