ఛాయాగ్రాహకుడు రాజేంద్ర ప్రసాద్ కన్నుమూత.. టాలీవుడ్‌లో విషాదం

ప్రముఖ సినిమాటోగ్రాఫర్.. రాజేంద్ర ప్రసాద్ శుక్రవారం నాడు కన్నుమూశారు. సీరియర్ దర్శకులు చంద్ర సిద్ధార్థ (ఆ నలుగురు ఫేమ్) సోదరుడే రాజేంద్ర ప్రసాద్. ఆయన సినిమాటోగ్రాఫర్‌గానే కాకుండా దర్శకుడిగానూ.. నిర్మాతగానూ పనిచేశారు.

రాజేంద్ర ప్రసాద్ దర్శకత్వంలో వచ్చిన 'నిరంతరం' సినిమా మలేషియాలోని కైరో చలన చిత్రోత్సవాలకు ఎంపిక అయ్యింది. పలువురి ప్రశంసలు అందుకుంది. హాలీవుడ్‌లో 'మన్ విమన్ అండ్ ది మౌస్', 'రెస్డ్యూ - వేర్ ది ట్రూత్ లైస్' 'ఆల్ లైట్స్, నో స్టార్స్' చిత్రాలకు దర్శకత్వం వహించారు. ఆయన దర్శకత్వం వహించిన సినిమాలు అన్నిటికీ ఆయనే సినిమాటోగ్రఫీ, రైటింగ్ బాధ్యతలు నిర్వర్తించారు.

తెలుగులో ‘మేఘం’, ‘హీరో’ సహా పలు చిత్రాలకు రాజేంద్ర ప్రసాద్ సినిమాటోగ్రాఫర్‌గా సేవలు అందించారు. బాలీవుడ్‌లో సైతం అనేక చిత్రాలకు పనిచేసిన రాజేంద్ర ప్రసాద్ ముంబైలో స్థిరపడ్డారు. ఆయన మృతి పట్ల చిత్రసీమ ప్రముఖులు సంతాపం వ్యక్తం చేశారు.