Taapsee Pannu: సమంత బాలీవుడ్ ఎంట్రీ.. కన్ఫార్మ్ చేసిన తాప్సీ

టాలీవుడ్, కోలీవుడ్ టాప్ హీరోయిన్‌గా దూసుకుపోతుంది నటి సమంత. చేతి నిండా సినిమాలు ఫుల్ బిజీగా ఉంటోంది ఈ చెన్నై బ్యూటీ. ఇటు గ్లామర్ పాత్రలు చేస్తూనే.. అటు లేడీ ఓరియెంటెడ్ సినిమాలకు కూడా గ్రీన్ సిగ్నల్ ఇస్తోంది ఈ ముద్దుగుమ్మ. యూ ట‌ర్న్‌, ఓ బేబి చిత్రాలలో సమంత తన మార్క్ చూపించింది. ప్రస్తుతం 'యశోధ', 'ఖుషి' సినిమాల్లో నటిస్తోంది. సౌత్‌లో టాప్ హీరోయిన్‌గా ఈ అమ్మడు.. బాలీవుడ్‌లో మాత్రం ఇప్పటివరకు ఎంట్రీ ఇవ్వలేదు. ఎప్పుడెప్పుడా అని ఎదురుచూస్తున్న ఫ్యాన్స్‌కు నటి తాప్సీ గుడ్ న్యూస్ చెప్పింది.

టీమిండియా మహిళా దిగ్గజ క్రికెటర్ మిథాలీ రాజ్ జీవిత కథ ఆధారంగా రూపొందుతున్న 'శభాష్ మిథూ' సినిమాలో తాప్సీ టైటిల్ రోల్ పోషిస్తోంది. ఇటీవలె రిలీజ్ అయిన ట్రైలర్‌కు మూవీ లవర్స్ నుంచి.. క్రికెట్ ఫ్యాన్స్ నుంచి భారీ రెస్పాన్స్ వస్తోంది. జులై 15న ఈ సినిమా ఆడియన్స్ ముందుకు రానుంగా.. తాప్సీ ప్రమోషన్ కార్యక్రమాల్లో బిజిబిజీగా ఉంటోంది.

ఈ సందర్భంగా ఓ ఇంటర్వ్యూలో తన అప్ కమింగ్ ప్రాజెక్టుల గురించి తాప్సీ మాట్లాడుతూ.. 'త్వరలో బాలీవుడ్‌లో సమంతతో కలిసి ఓ సినిమా చేయబోతున్నా. సమంతనే టైటిల్ రోల్ పోషిస్తుంది. నేను నిర్మాతగా వ్యవహరిస్తున్నా. స్టోరీ డిమాండ్ మేరకు ఏదైనా రోల్ ఉంటే నేను కూడా యాక్ట్ చేస్తా. ఆ ప్రాజెక్ట్ వివరాలు త్వరలోనే వెల్లడిస్తాం. సమంతతో కలిసి సినిమా చేసేందుకు ఎంతో ఉత్సాహంగా ఉన్నా..' అంటూ చెప్పుకొచ్చింది.

అదేవిధంగా సౌత్‌లోనూ తాను సినిమాలు చేసేందుకు రెడీగా ఉన్నానని చెప్పింది తాప్సీ. మిథాలీ రాజ్ వంటి పాత్రలు జీవితంలో ఒక్కసారే వస్తాయని.. ఆ క్యారెక్టర్ పోషించేందుకు నలుగురు క్రికెట్ కోచ్‌ల వద్ద కోచింగ్ తీసుకున్నట్లు తెలిపింది. సినిమా షూటింగ్ చేస్తున్న సమయంలో ఎప్పుడు మిథాలీ రాజ్‌ను కలవలేదని.. పూర్తి అయిన తరువాత చాలాసార్లు కలిశామంది. ఆమెది.. తనది భిన్నస్వభాలు అని.. మిథాలీ సంతోషం, బాధకు దేనికీ పెద్దగా స్పందించదని చెప్పుకొచ్చింది తాప్సీ.

ALSO READ :