హిందీ ‘అర్జున్ రెడ్డి’కి క్యాన్సర్.. షాకైన షాహిద్ కపూర్!

బాలీవుడ్ నటుడు షాహీద్ కపూర్‌‌కు ఉదర క్యాన్సర్ వచ్చిందని, ఆయన ముంబయిలో రహస్యంగా ట్రీట్మెంట్ చేయించుకుంటున్నారని వార్తలు చక్కర్లు కొడుతున్నాయి. దీంతో షాహీద్ కపూర్ స్పందించక తప్పలేదు. ‘‘నేను ఆరోగ్యంగానే ఉన్నా. తప్పుడు వార్తలను నమ్మకండి’’ అని ట్వీట్ చేసి క్లారిటీ ఇచ్చాడు.

షాహీద్ కపూర్ కొంత కాలంగా ఉదర క్యాన్సర్‌తో బాధపడుతున్నాడని, వ్యాధి ప్రస్తుతం మొదటి స్టేజ్‌లో ఉందనే సమాచారం బయటకు వచ్చింది. దీంతో షాకైన షాహీద్ కుటుంబ సభ్యులు.. మీడియాపై ఆగ్రహం వ్యక్తం చేశారు. మీడియా ఏదిపడితే అది రాసేస్తాయని, ఇందుకు ఆధారాలేమిటీ? అని ప్రశ్నించారు. షాహీద్ కపూర్ ప్రస్తుతం ‘అర్జున్ రెడ్డి’ రీమేక్ చిత్రం ‘కబీర్ సింగ్’ షూటింగ్‌లో బిజీగా ఉన్నాడు. ఈ సినిమా వచ్చే ఏడాది ఏప్రిల్‌లో విడుదల కానుంది.