షారుఖ్ సినిమాపై కన్నేసిన తెలుగు నిర్మాతలు

బాలీవుడ్ బాద్‌షా షారుఖ్ ఖాన్, ప్రముఖ ఫిలింమేకర్ కరణ్ జోహర్ ఇద్దరూ కలిసి సంయుక్తంగా నిర్మించిన తమ అప్‌కమింగ్ చిత్రం 'ఇత్తేఫాక్'పై ఓ ఇంట్రెస్టింగ్ టాక్ వినిపిస్తోంది. సిద్ధార్థ్ మల్హోత్రా, సోనాక్షి సిన్హా, అక్షయ్ ఖన్నా ప్రధాన పాత్రల్లో రూపొందుతున్న ఈ సినిమా ఇప్పుడు బాలీవుడ్‌లో బాగా ట్రేడ్ అవుతున్న చిత్రాల్లో ఒకటి. అందుకే ఈ సినిమాను తెలుగులో రీమేక్ చేయడానికి పలువురు తెలుగు ఫిలింమేకర్స్ ఆసక్తి కనబరుస్తున్నారట.

అందులో భాగంగానే తాజాగా ఇత్తేఫాక్ నిర్మాతల్లో ఒకరైన జునో చోప్రా, ఆ సినిమా దర్శకుడు అభయ్ చోప్రాలని సంప్రదించి, ఆ సినిమా రీమేక్ హక్కుల్ని సొంతం చేసుకునేందుకు ప్రయత్నిస్తున్నట్టుగా వార్తలు వెలువడుతున్నాయి. అయితే, దీనికి సంబంధించి ఇంకా ఎటువంటి అధికారిక ప్రకటన వెలువడలేదు.

నవంబర్ 3వ తేదీన రిలీజ్ కానున్న ఈ థ్లిల్లర్ సినిమా ఓ మర్డర్ మిస్టరీ నేపథ్యంలో తెరకెక్కింది. షారుఖ్ ప్రొడక్షన్ హౌజ్ రెడ్ చిల్లీస్ ఎంటర్‌టైన్‌మెంట్, కరణ్ జోహర్ నిర్మాణ సంస్థ ధర్మ ప్రొడక్షన్స్ ఈ సినిమాను నిర్మించాయి.