షారుఖ్ ఖాన్‌కు గౌరవ డాక్టరేట్ ప్రదానం

బాలీవుడ్ స్టార్ హీరో షారుఖ్ ఖాన్‌కు హైదరాబాద్‌లోని మౌలానా ఆజాద్ ఉర్దూ యూనివర్సిటీ గౌరవ డాక్టరేట్ ప్రదానం చేసింది. ఈ మేరకు సోమవారం జరిగిన యూనివర్సిటీ స్నాతకోత్సవంలో రాష్ట్రపతి ప్రణబ్ ముఖర్జీ చేతుల మీదుగా షారుఖ్‌కు డాక్టరేట్ అందుకున్నారు. ఈ సందర్భంగా షారుఖ్ మాట్లాడుతూ తన తల్లి జన్మస్థలమైన హైదరాబాద్‌లో డాక్టరేట్ అందుకోవడం ఎంతో గర్వంగా ఉందని అన్నారు. తన తల్లిదండ్రులు ఉండుంటే హైదరాబాద్‌లో డాక్టరేట్ అందుకోవడం పట్ల చాలా సంతోషించేవారని చెప్పారు. తన తండ్రి స్వాతంత్ర్య సమర యోధుడని, ఉర్దూ భాషాభిమాని అని ఈ సందర్భంగా గుర్తు చేసారు.

కాగా, మౌలానా ఆజాద్ ఉర్దూ యూనివర్సిటీ ఆరో స్నాతకోత్సవానికి రాష్ట్రపతి ప్రణబ్ ముఖర్జీ ముఖ్య అథితిగా హాజరయ్యారు. ఈ సందర్భంగా సుమారు 48వేల మంది విద్యార్థులకు డిగ్రీ పట్టాలు అందజేస్తారు. రాష్ట్రపతితో పాటు గవర్నర్ ఈఎస్ఎల్ నరసింహన్ కూడా వర్సిటీ స్నాతకోత్సవంలో పాల్గొన్నారు.