Sharwanand Marriage: జూన్ 3, శ‌నివారం రోజున తెలుగు చిత్ర ప‌రిశ్ర‌మ‌కు చెందిన హీరో శర్వానంద్, రక్షితా రెడ్డిల వివాహం జైపూర్ లీలా ప్యాలెస్‌లో ఘ‌నంగా జరిగింది. ఈ వేడుక‌కి ప‌లువురు సినీ, రాజకీయ ప్రముఖులు హాజరయ్యారు.
Authored byతుమ్మల మోహన్ | Samayam Telugu4 Jun 2023, 3:47 pm
Sharwanand Marriage: టాలీవుడ్ హీరో శర్వానంద్ (Hero Sharwanand)ఓ ఇంటివాడ‌య్యారు. మొన్న‌టి వ‌ర‌కు మోస్ట్ ఎలిజిబుల్ బ్యాచ్‌ల‌ర్ అంటూ ట్యాగ్ వేసుకుని తిరిగిన ఈ హీరో శ‌నివారం రాత్రి 11 గంట‌ల‌కు రక్షితా రెడ్డిని (Rakshita Reddy) వివాహం చేసుకున్నారు. శ‌నివారం రాత్రి జైపూర్‌లోని (Jaipur) లీలా ప్యాలెస్‌లో (Leela Palace) శర్వా, ర‌క్షిత‌ల పెళ్లి ఘ‌నంగా జరిగింది. ఈ వివాహ వేడుక‌కి రెండు కుటుంబాలకు చెందినవారు, సన్నిహితులు, స్నేహితులు సహా సినీ సెలబ్రిటీలు, రాజకీయ నాయకులు హాజరయ్యారు. రెండు రోజుల ముందు నుంచే లీలా ప్యాలెస్‌లో శర్వానంద్, రక్షితా రెడ్డిల పెళ్లి వేడుక‌లు జ‌రిగాయి. అందులో హ‌ల్దీ ఫంక్ష‌న్‌, సంగీత వంటి కార్య‌క్ర‌మాల‌ను నిర్వ‌హించారు. వాటికి సంబంధించిన ఫొటోలు, వీడియోలు వైరల్ అయ్యాయి. ఇప్పుడు పెళ్లి త‌ర్వాత నూత‌న వ‌ధువ‌రుల‌కు సంబంధించిన ఫొటోలు వైరల్ అవుతున్నాయి.
Samayam TeluguSharwanand Marriage, శర్వానంద్ పెళ్లి
రక్షితా రెడ్డి (rakshita Reddy) అమెరికాకు చెందిన టెక్కీ. ఆమెది ఏపీలో ప్రముఖ రాజకీయ నేప‌థ్య‌మున్న కుటుంబం. వధువు తండ్రి మధుసూధన్ రెడ్డి ఆంధ్రప్రదేశ్ హైకోర్టులో న్యాయవాదిగా ప‌ని చేస్తున్నారు. అలాగే తాత బొజ్జల గోపాల కృష్ణారెడ్డి ప్రముఖ రాజకీయ నాయ‌కుడు అనే సంగ‌తి తెలిసిందేే. పెద్దల కుదిర్చిన పెళ్లినే శర్వానంద్ చేసుకుంటున్నారు. ఇక శర్వానంద్ విషయానికి వస్తే గత ఏడాది ఒకే ఒక జీవితం చిత్రంతో హిట్ సాధించిన ఆయన .. ప్రస్తుతం తను శ్రీరామ్ ఆదిత్యతో అప్‌కమింగ్ మూవీ షూటింగ్‌లో బిజీగా ఉన్నారు. రీసెంట్‌గానే లండన్ షెడ్యూల్‌ను కూడా కంప్లీట్ చేశారు.
ఈ ఏడాదిలో జ‌న‌వ‌రి 26నే శర్వానంద్, రక్షితా రెడ్డి వీరి నిశ్చితార్థం హైదరాబాద్‌లో అంగరంగ వైభవంగా జరిగింది. ఈ ఎంగేజ్‌మెంట్ ఫంక్ష‌న్‌కి చిరంజీవి (Chiranjeevi), సురేఖ, రామ్ చరణ్ (Ram Charan), ఉపాసన, సిద్ధార్థ్, అదితిరావు హైదరి, నాని.. ఇలా ఎంతో మంది సినీ ప్రముఖులు హాజరయ్యారు. సన్నిహితులు, ఇరువురి కుటుంబ సభ్యుల సమక్షంలో శర్వా, రక్షిత ఉంగరాలు మార్చుకున్నారు.
నిజానికి శర్వానంద్ పెళ్లికి వారం ముందుగా జరిగిన ఘటన ఆ రెండు కుటుంబాల వారితో పాటు ఫ్యాన్స్, ప్రేక్షకులు టెన్షన్ పడ్డారు. అందుకు కారణం శర్వానంద్ ప్రయాణిస్తున్న కారు జూబ్లీ హిల్స్‌లోని ఫిల్మ్ నగర్ సర్కిల్ దగ్గర బోల్తా పడింది. ఆ సమయంలో కారులో శర్వా, ఆయన డ్రైవర్ కూడా ఉన్నారు. కానీ అదృష్ణం కొద్ది చిన్న గాాయాలతోనే ప్రమాదం తప్పింది.
మోహన్ కుమార్ తుమ్మల సమయం తెలుగులో డిజిట‌ల్ కంటెంట్ ప్రొడ్యూస‌ర్‌గా ప‌ని చేస్తున్నారు. ఇక్కడ సినిమాల‌కు సంబంధించిన అప్డేట్స్, వార్తలను రాస్తుంటారు. మోహన్ కుమార్‌కి సినీ జ‌ర్న‌లిజంలో 10 ఏళ్ల అనుభ‌వం ఉంది. గ‌తంలో ప్రముఖ మీడియా సంస్థ‌ల్లో సినీ జ‌ర్న‌లిస్టుగా వ‌ర్క్ చేశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
