లై డైరెక్టర్ దర్శకత్వంలో శర్వానంద్ సినిమా

మహానుభావుడు సినిమాతో సూపర్ హిట్ అందుకున్న శర్వానంద్ త్వరలోనే మరో రెండు సినిమాలతో బిజీ కానున్నాడు. అందులో ఒకటి హను రాఘవపూడి డైరెక్షన్‌లో రూపొందనుంది. కృష్ణగాడి వీరప్రేమ గాథ, లై సినిమాల డైరెక్టర్ హను రాఘవపూడి డైరెక్షన్‌లో శర్వానంద్ హీరోగా తెరకెక్కనున్న ఈ సినిమా ఇవాళే లాంచ్ అయింది. ప్రముఖ నిర్మాత దిల్ రాజు క్లాప్ కొట్టగా శర్వానంద్‌పై మొదటి షాట్ చిత్రీకరించారు.

ఈ సినిమాకు సంబంధించిన రెగ్యులర్ షూట్‌ని 2018లో జరపనున్నట్టు మూవీ యూనిట్ సభ్యులు తెలిపారు. ప్రసాద్ చుక్కపల్లి, సుధాకర్ చెరుకూరి నిర్మిస్తున్న ఈ సినిమా లవ్ స్టోరీ బ్యాక్‌డ్రాప్‌తో తెరకెక్కనుంది.