‘మహానుభావుడు’కి సెన్సార్ గ్రీన్ సిగ్నల్!

‘స్పైడర్’, ‘జై లవకుశ’ సినిమాలతో పోటీ పడుతూ దసరా బరిలో నిలుస్తున్న శ‌ర్వానంద్ మూవీ ‘మ‌హానుభావుడు’ సెన్సార్ కార్య‌క్ర‌మాలు పూర్తి చేసుకుంది. సింగిల్ క‌ట్ లేకుండా యు/ఎ సర్టిఫికెట్‌ను మంజూరు చేసింది ఫిల్మ్ సెన్సార్ బోర్డు. మెహ‌రిన్ హీరోయిన్‌‌గా మారుతి ద‌ర్శ‌క‌త్వంలో యు.వి.క్రియోష‌న్స్ బ్యాన‌ర్‌లో వంశీ, ప్ర‌మొద్‌లు సంయుక్తంగా తెర‌కెక్కిస్తున్న చిత్రం ఈ నెల 29వ తేదీన ప్రేక్షకుల ముందుకు రానుంది.

‘మహానుభావుడు’ మూవీ టైటిల్‌తో పాటు టీజర్, ట్రైలర్‌లకు ప్రేక్షకుల నుండి రెస్పాన్స్ అదిరిపోవడంతో ఈ మూవీపై అంచనాలు పెరిగాయి. ఇటీవల విడుదలైన ట్రైలర్‌లో అతి శుభ్రత మూలాన హీరో, అతని దగ్గరి వ్యక్తులు ఎలాంటి ఇబ్బందులు పడ్డారు అనే అంశాల్ని ఎంటర్టైనింగా చూపించాడు మారుతి. ఈయనే ఆనంద్.. ఇతడికి ఓసీడీ ఉంది. ఓసీడీ అంటే బీటెక్‌, ఎంటెక్ లాంటి డిగ్రీలు కాదు. డిజార్డర్‌. ఈ వ్యాధి లక్షణం అతిశుభ్రం’ అదే ఈ మహానుభావుడికి ఉంది. అలాంటి ఆనంద్ బురదలో దొర్లి మరీ ఫైట్ చేసే పరిస్థితి వచ్చింది. మనం దేన్నైతే అసహ్యించుకుంటామో దేవుడు అందులోనుంచే ముంచి లేపుతాడంటూ ‘మహానుభావుడ్ని’ చివర్లో మార్చే ప్రయత్నం చేస్తున్నాడు దర్శకుడు మారుతి. హీరోకి ఉండే అతి శుభ్రత వ్యాధిని ఆధారంగా చేసుకుని ‘మహానుభావుడు’ కథను అల్లాడు. మరి మనోడి అతిశుభ్రం ప్రేక్షకును ఏవిధంగా ఆకట్టుకుంటుందో ఈనెల 29న తేలనుంది.