శర్వానంద్ కోసం 'రాధ' వస్తోంది

ప్రస్తుతం ఉన్న యంగ్ హీరోల్లో తనకంటూ ఓ స్పెషల్ ఇమేజ్‌ను క్రియేట్ చేసుకొని సక్సెస్ ఫుల్ చిత్రాలతో కెరీర్ పరంగా దూసుకుపోతున్నాడు శర్వానంద్. రీసెంట్‌గా 'శతమానం భవతి' సినిమాతో సంక్రాంతికి ప్రేక్షకుల ముందుకు వచ్చి ఫ్యామిలీ ఆడియన్స్‌ను సైతం తనవైపు తిప్పుకున్న ఈ యంగ్ హీరో మరో సినిమా చేయడానికి రెడీ అవుతున్నాడు.

చంద్రమోహన్ అనే కొత్త దర్శకుడు చెప్పిన కథ నచ్చడంతో శర్వా గ్రీన్ సిగ్నల్ ఇచ్చేశాడు. ప్రముఖ నిర్మాత బివిఎస్ఎన్ ప్రసాద్ ఈ చిత్రాన్ని నిర్మించబోతున్నారు. ఇప్పటికే ఈ సినిమాలో హీరోయిన్‌గా లావణ్యత్రిపాఠిని ఎంపిక చేసుకున్నారు. ఈ సినిమా శర్వా ఫన్నీ పోలీస్ ఆఫీసర్‌గా కనిపించబోతున్నారు.

అయితే తాజా సమాచారం ప్రకారం ఈ సినిమాకు టైటిల్ 'రాధ' అనే పేరును ఖరారు చేసినట్లు తెలుస్తోంది. ఈ విషయాన్ని త్వరలోనే అఫీషియల్‌గా అనౌన్స్ చేయనున్నారు. మరి ఈ రాధ శర్వాకు ఎంతవరకు కలిసొస్తుందో చూడాలి.