శతమానం భవతి 3 రోజుల కలెక్షన్స్

శర్వానంద్, అనుపమ జంటగా తెరకెక్కిన శతమానం భవతి మూవీ భారీ పోటీని తట్టుకుని సైతం వసూళ్లలో రానిస్తోంది. ఈ సంక్రాంతి పండగ సీజన్‌లో రిలీజైన భారీ బడ్జెట్ చిత్రాలు ఖైదీ నెంబర్ 150, గౌతమిపుత్ర శాతకర్ణి వంటి సినిమాల మధ్య కూడా 'శతమానం భవతి' చెప్పుకోదగిన స్థాయిలో పర్‌ఫామ్ చేస్తోందంటున్నారు ట్రేడ్ ఎక్స్‌పర్ట్స్. రిలీజైన మొదటి రోజే రూ. 3 కోట్లు రాబట్టిన ఈ సినిమా.. గడిచిన మొత్తం మూడు రోజుల్లో రూ.8.23 కోట్లు వసూలు చేసినట్టు తెలుస్తోంది.

నిర్మాత దిల్ రాజు అంచనాలకి తగినట్టుగానే నైజాంలో రూ.2.80 కోట్లు, సీడెడ్‌లో రూ.0.99 కోట్లు, నెల్లూరులో రూ.0.20 కోట్లు, గుంటూరులో రూ. 0.63 కోట్ల కలెక్షన్స్ సాధించిందీ సినిమా. ఇక క్రిష్ణాలో రూ. 0.49 కోట్లు, పశ్చిమ గోదావరి, తూర్పు గోదావరి జిల్లాల్లో కలిపి రూ. 1.77 కోట్లు, ఉత్తరాంధ్రలో రూ.1.34 కోట్లు వసూలు చేసినట్టు ట్రేడ్ వర్గాలు చెబుతున్నాయి. శతమానం భవతి టాక్‌తో దర్శకుడు సతీష్ వేగేశ్న కూడా మళ్లీ దిల్ రాజు నిర్మాణంలోనే మరో భారీ ఆఫర్‌ని అందుకున్నాడు.