శర్వానంద్-అనుపమ రొమాంటిక్ సాంగ్‌ ఇదే!

శర్వానంద్, అనుపమ పరమేశ్వరన్ ప్రధాన పాత్రలలో తెరకెక్కిన ‘శతమానం భవతి’ సంక్రాంతి బరికి రెడీ అయ్యింది. ఇటీవల ట్రైలర్‌‌ని విడుదల చేసి పండగ వాతావరణాన్ని ముందే తీసుకువచ్చిన శర్వానంద్-అనుపమ జోడి ‘నాలో నేను నేను.. నీలో నేను నువ్వంటే నేను రా..’ అంటూ రొమాంటిక్ సాంగ్‌తో ప్రేక్షకుల ముందుకు వచ్చారు.

లవ్ అండ్ ఫ్యామిలీ ఎంటర్ టైన్మెంట్ డ్రామాగా తెరకెక్కుతున్న‘శతమానం భవతి’మూవీ షూటింగ్, పోస్ట్ ప్రొడక్షన్ పనులు ఫినిష్ కావడంతో ప్రొడ్యూసర్ దిల్ రాజు ప్రమోషన్స్‌లో దూసుకుపోతున్నాడు.

పండగ బరిలో రెండు పెద్ద చిత్రాలు ఉన్నప్పటికీ డేర్ చేసి ఈ చిత్రాన్ని జనవరి 14న విడుదల చేయడానికి ముందుకు వచ్చింది చిత్ర యూనిట్. వేగేశ్న సతీష్ దర్శకత్వం వహించిన ఈ చిత్రంలో ప్రకాశ్‌రాజ్, జయసుధ, రాజా రవీంద్ర కీలక పాత్రల్లో నటించారు. మిక్కీ జే మేయర్ అందించిన సంగీతాని మంచి రెస్పాన్స్ వస్తోంది.

అ..ఆ, ప్రేమమ్ చిత్రాలతో మంచి ఫామ్‌లో ఉన్న అనుపమ ఈ సినిమాలో మరింత అందంగా కనిపిస్తూ హ్యాట్రిక్‌పై కన్నేసింది. తాజాగా విడుదలైన శతమానం భవతి ‘నాలో నేను’ సాంగ్ మీకోసం.