Radhika Kumaraswamy: బాలీవుడ్ యాక్ట‌ర్‌తో రాధికా కుమారస్వామి ‘అజాగ్రత్త’.. 7 భాషల్లో

Radhika Kumaraswamy: కన్నడ నటి, కుమారస్వామి సతీమణి రాధికా కుమారస్వామి శనివారం రోజున తన కొత్త సినిమాను ప్రారంభించారు. అది కూడా బాలీవుడ్ యాక్టర్ శ్రేయాస్ తల్పడేతో. ఈయనెవరో కాదు.. పుష్ప సినిమాలో అల్లు అర్జున్ పాత్రకు డబ్బింగ్ చెప్పిన నటుడు. పుష్ప సినిమాతో అల్లు అర్జున్‌కు నార్త్‌లో ఎంత పేరు వచ్చిందో.. ఆ పాత్రకు డబ్బింగ్ చెప్పిన శ్రేయాస్ తల్పడేకు కూడా అంతే గుర్తింపు వచ్చింది. బాలీవుడ్ పాపులర్ యాక్టర్ అయిన శ్రేయాస్ తల్పడే కామెడీ, సీరియస్ రోల్స్‌లో తన నటనతో అందరినీ మెప్పించారు. ఇప్పుడు శ్రేయాస్ తల్పడే, రాధికా కుమారస్వామి కలిసి అజాగ్రత్త సినిమా చేస్తున్నారు. ఈ చిత్రంతో శ్రేయాస్ తెలుగు ఇండస్ట్రీలోకి ఎంట్రీ ఇస్తున్నారు.

రాధికా కుమారస్వామి ఈ సినిమాలో హీరోయిన్‌గా నటిస్తోంది. ఈ చిత్రానికి ఎం శశిధర్ దర్శకత్వం వహిస్తున్నారు. రవి రాజ్ ఈ మూవీని నిర్మిస్తున్నారు. అజాగ్రత్త మూవీ లాంఛనంగా ప్రారంభమైంది. ముహూర్తపు సన్నివేశానికి ప్రముఖ నిర్మాత ఏ ఎం రత్నం క్లాప్ కొట్టగా..నిర్మాత ఠాగూర్ మధు కెమెరా స్విచ్ ఆన్ చేశారు. సైకలాజికల్ యాక్షన్ థ్రిల్లర్ జోనర్‌లో వస్తోన్న ఈ అజాగ్రత్త సినిమాలో రావు రమేష్‌, సునీల్, ఆదిత్య మీనన్ వంటి వారు ముఖ్య పాత్రల్లో కనిపించనున్నారు. ఈ సినిమాకు సందీప్ వల్లూరి సినిమాటోగ్రఫర్‌గా, శ్రీహరి సంగీత దర్శకుడిగా, రవి వర్మ ఫైట్ మాస్టర్‌గా వ్యవహరించనున్నారు.

ఈ చిత్రాన్ని ఏడు భాష‌ల్లో తెర‌కెక్కిస్తున్న‌ట్లు చిత్ర ద‌ర్శ‌కుడు శ‌శిధ‌ర్ తెలిపారు. ‘నిర్మాత‌గా చేయాల్సిన సినిమాలో హీరోయిన్‌గా న‌టిస్తున్నాను.. ఎవరూ సెట్ అవ్వడం లేదని దర్శకుడు కంగారు పడుతూ ఉన్నారు. నా డేట్స్ కావాలా? అని అడిగాను. కథ చెప్పమని అడిగాను. స్క్రిప్ట్ విన్నాక షాక్ అయ్యాను. చాలా ఏళ్ల తరువాత ఇలా ప్రేక్షకుల ముందుకు రాబోతున్నా’నని రాధికా కుమార‌స్వామి తెలిపారు. ప్రేక్ష‌కులు, ప్ర‌జ‌లు ఆశీస్సులు కావాల‌ని నిర్మాత‌లు కోరారు.

Salaar: ప్రభాస్ ‘సలార్’ రిలీజ్ డేట్ మారనుందా?
Balagam Venu: ‘బలగం’ డైరెక్టర్‌కి గోల్డెన్ ఛాన్స్‌.. స్టార్ హీరోతో రెండో సినిమా!

Read Latest Tollywood Updates and Telugu News