సీనియర్ హీరోయిన్.. పెళ్లి పీటలెక్కనుందా?

దాదాపు పదహారేళ్ల కిందట హీరోయిన్ గా తెరకు పరిచయం అయ్యింది శ్రియ. ఇన్నేళ్లు గడిచినా.. ఇప్పటికే లైమ్‌లైట్ లోనే ఉంది ఈ ఢిల్లీ భామ. ఈ వారం విడుదల అయిన ‘పైసా వసూల్’లో కూడా శ్రియ ఒక ముఖ్య పాత్ర చేసింది. బాలయ్య వంటి స్టార్ హీరో సినిమాలో నటించింది. మరి ఇప్పుడు ఈ సీనియర్ హీరోయిన్ కు సంబంధించిన ఆసక్తికరమైన వార్త ప్రచారంలోకి వచ్చింది.

త్వరలోనే శ్రియ పెళ్లి చేసుకోబోతోందని సమాచారం. ఇంట్లో వాళ్లు ఒత్తిడి చేస్తున్నారని శ్రియ ఒక ఇంటర్వ్యూలో చెప్పింది. త్వరలోనే ఇందుకు సంబంధించిన ప్రకటన చేస్తున్నట్టుగా పేర్కొంది. మరి దీంతో.. ఈమె పెళ్లి పీటలెక్కబోతోందని అనుకోవాల్సి వస్తోంది. మరి శ్రియది ప్రేమ వివాహం మాత్రం కాదని స్పష్టం అవుతోంది. ఇంట్లో వాళ్లు చూసిన అబ్బాయినే శ్రియ పెళ్లి చేసుకోబోతోందని తెలుస్తోంది.

ప్రస్తుతం శ్రియ వయసు 34 సంవత్సరాలు. త్వరలోనే పెళ్లి కబురు చెప్పబోతోంది.. ఇది వరకూ ఒక టాలీవుడ్ హీరోతో శ్రియ ప్రేమలో పడినట్టుగా గతంలో వార్తలు వచ్చాయి. అయితే ఈమె ఆ ప్రచారాన్ని ఖండించింది. మరి శ్రియ ఎవరిని పెళ్లాడబోతోందో!