బీచ్‌లో శ్రియ బికినీ డ్యాన్స్.. ఆ రోజులు గుర్తొస్తాయి!

శ్రియ.. ఒకప్పుడు దక్షిణాది హీరోయిన్లలో మంచి డ్యాన్సర్. చిరంజీవి, ఎన్టీఆర్ లాంటి హీరోలతో సమానంగా స్టెప్పులేసిన నటి. పెద్దగా కాలుకదపని హీరోల సినిమాల్లో సైతం తన డ్యాన్స్‌తో మైమరిపించిన నటి శ్రియ. పవన్ కళ్యాణ్ ‘బాలు’, విక్రమ్ ‘మల్లన్న’ సినిమాల్లో శ్రియ డ్యాన్స్ టాలెంట్ ఏంటో చూశాం. చాలా కాలం తరవాత శ్రియ మరోసారి తన డ్యాన్స్‌తో మైమరిపిస్తోంది. అయితే, అది సినిమాలో కాదు.. సోషల్ మీడియాలో..!

శ్రియ ప్రస్తుతం దాంపత్య జీవితాన్ని ఆస్వాదిస్తోంది. రష్యాకు చెందిన ఆండ్రీ కొస్కీవ్‌ను శ్రియ పెళ్లాడిన సంగతి తెలిసిందే. పెళ్లి తర్వాత వీరిద్దరూ కలిసి సరదాగా హాలీడేకు వెళ్లారు. ప్రపంచంలోని అందమైన ప్రాంతాలను సందర్శించారు. ఈ క్రమంలో స్పెయిన్‌లోని ఇబిజా ఐల్యాండ్‌కు కూడా వెళ్లారు. అక్కడ బీచ్‌లో శ్రియ డ్యాన్స్ చేస్తుండగా భర్త దాన్ని చిత్రీకరించారు. ఆ వీడియోను తాజాగా శ్రియ ఇన్‌స్టాగ్రామ్‌లో పోస్ట్ చేసింది.

Also Read: మెగాస్టార్‌కు జోడీగా ఇలియానా..!

‘‘ఒకానొక సమయంలో ఇబిజా‌లో.. మళ్లీ అక్కడికి వెళ్లేంత వరకు ఐల్యాండ్ లైఫ్‌ను కోల్పోతున్నా’’ అని ఈ పోస్ట్‌లో శ్రియ పేర్కొంది. డ్యాన్స్ వీడియోతో పాటు తన భర్తతో సెల్ఫీలను కూడా పోస్ట్ చేసింది.
‘ఇష్టం’ సినిమాతో తెలుగు ప్రేక్షకులకు పరిచయమై అంచెలంచెలుగా స్టార్ హీరోయిన్‌గా ఎదిగింది శ్రియ. చిరంజీవి, బాలకృష్ణ, వెంకటేష్, నాగార్జున, పవన్ కళ్యాణ్, ఎన్టీఆర్, మహేష్‌బాబు, ప్రభాస్, రవితేజ.. ఇలా స్టార్ హీరోలందరితోనూ నటించేసింది. ఈమెకు తెలుగులో బోలెడంత ఫ్యాన్ ఫాలోయింగ్. పదేళ్లకు పైగా టాలీవుడ్‌లో స్టార్ హీరోయిన్‌గా కొనసాగిన శ్రియాకు ప్రస్తుతం అవకాశాలు తగ్గాయి.