Shriya Saran: శ్రియా లాంటి భార్యలకు సీక్రెట్లు చెప్పొద్దు.. భర్తలకు మీమర్స్ సలహా.. పోస్ట్ వైరల్

Shriya Saran Memes: సోషల్ మీడియాలో ఇప్పుడు జనాలు ఎంత క్రియేటివ్‌గా ఆలోచిస్తున్నారో చెప్పాల్సిన పని లేదు. ఎక్కడో ఏదో సినిమాలోని సీన్, డైలాగ్‌ను గుర్తు పెట్టుకుంటారు. వాటిని ట్రోల్స్, మీమ్స్‌లో వాడేస్తుంటారు. అలానే ఇప్పుడు శ్రియా మీద ఓ మీమ్ నెట్టింట్లో చక్కర్లు కొట్టేస్తోంది. శ్రియా రజినీకాంత్ కాంబోలో వచ్చిన శివాజీ సినిమా గురించి తెలిసిందే. అందులో శివాజీ తన భార్యకు అన్ని సీక్రెట్లు చెబుతాడు. చివరకు జైలుకు వెళ్తాడు. అదే దృశ్యం సినిమాల్లో అయితే అజయ్ దేవగణ్‌ తన శ్రియాకు ఏ నిజం చెప్పడు.

అందుకే భార్యలకు భర్తలు అన్ని నిజాలు చెప్పొద్దని శ్రియా మీద మీ మీమ్ చక్కర్లు కొడుతోంది. శ్రియా లాంటి భార్యలు ఉన్నప్పుడు ఇలా నిజాలు చెబితే పరిస్థితి ఇలా ఉంటుందంటూ చేసిన మీమ్ వైరల్ అవుతోంది. చివరకు ఈ మీమ్ తిరిగి తిరిగి శ్రియా వద్దకు చేరుకుంది. ఆ మీమ్‌ చూసిన శ్రియా హహహ అని నవ్వేసింది. ఆ మీమ్‌ను సైతం శ్రియా షేర్ చేసింది.

శ్రియా, అజయ్ దేవగణ్ నటించిన దృశ్యం 2 సినిమా బాక్సాఫీస్‌ను షేక్ చేసింది. బాలీవుడ్‌లో రెండు వందల కోట్లకు పైగా వసూల్ చేసి అందరినీ ఆశ్చర్యపరిచింది. అలా శ్రియా, అజయ్ దేవగణ్ జోడికి మంచి క్రేజ్ ఏర్పడింది. అదే జోడి ఆర్ఆర్ఆర్‌లోనూ నటించిన విషయం తెలిసిందే.

ప్రస్తుతం శ్రియా తన ఫ్యామిలీతో కలిసి సరదాగా గడిపేస్తోంది. తన భర్త ఆండ్రూ, పాప రాధతో కలిసి వెకేషన్లు వేస్తూ ఉంటుంది. ఇక తన బిడ్డ రాధ పుట్టిన రోజు అంటూ సోషల్ మీడియాలో శ్రియా చేసిన సందడి ఎంతగా వైరరల్ అయిందో అందరికీ తెలిసిందే. నెట్టింట్లో శ్రియా ఎక్కువగా తన పాపకు సంబంధించిన ఫోటోలు, వీడియోలను షేర్ చేస్తుంటుంది.

• Read Latest Tollywood Updates and Telugu News