రణ్‌బీర్ కపూర్‌తో ఎఫైర్‌పై స్పందించిన శృతిహాసన్!

కత్రినా కైఫ్‌తో బ్రేకప్ అయ్యాకా రణ్‌బీర్ కపూర్ పర్సనల్ లైఫ్ చాలా చర్చనియాంశమైంది. గాసిప్ రాయుళ్ల పిచ్చాపాటికి రణ్‌బీర్ కపూర్ ప్రతీ యాక్టివిటీ ఓ ముడి సరుకైపోయింది. తాజాగా సౌతిండియన్ బ్యూటీ శృతిహాసన్‌తో రణ్‌బీర్ కపూర్ కలిసి వున్న ఫోటోలు ఇంటర్నెట్‌లోకి రావడంతో ఆ ఇద్దరికీ మధ్య ఎఫైర్ వుందంటూ పుకార్లు షికార్లు చేశాయి. కానీ వాస్తవానికి ఆ ఫోటో ఓ యాడ్ షూటింగ్‌కి సంబంధించినది.

రామయ్య వస్తావయ్యా, దేవ్ డి, తేవర్, గబ్బర్ ఈజ్ బ్యాక్ వంటి చిత్రాలతో బాలీవుడ్‌ ఆడియెన్స్‌కి సుపరిచితమైన శృతిహాసన్... రణ్‌బీర్ కపూర్‌తో తనకి ఎఫైర్ వుందంటూ వస్తోన్న పుకార్లపై స్పందించింది. అర్థంపర్థంలేని ఈ గాసిప్స్ చూస్తోంటే నవ్వొస్తోంది. నా పనితో నేను చాలా బిజీగా వున్నాను. అంతకుమించి స్పందించాల్సిన అవసరం నాకు లేదు. ఎందుకంటే, ఈ గాసిప్స్ ఏవీ నన్ను ప్రభావితం చేయలేవు అని స్పష్టం చేసింది శృతి. ఇకనైనా ఈ ఇద్దరికీ ఎఫైర్ వుందంటూ వస్తోన్న పుకార్లకి ఫుల్‌స్టాప్ పడుతుందేమో చూడాలి మరి!!