శ్రుతి హాసన్‌ పెళ్లి కబురు చెప్పనుందా?

ప్రముఖ నటుడు కమల్ హాసన్ కుమార్తె, నటి శ్రుతి హాసన్‌ త్వరలోనే పెళ్లి కబురు చెప్పే అవకాశం ఉంది. లండన్‌కి చెందిన నటుడు మైఖేల్‌ కోర్సేల్‌తో శ్రుతి కొంతకాలంగా ప్రేమలో ఉన్న విషయం తెలిసిందే. శ్రుతి.. మైఖేల్‌లు ముంబయిలో చెట్టాపట్టాలేసుకుని తిరుగుతున్న ఫొటోలు సోషల్ మీడియాలో చక్కర్లు కొడుతున్న సంగతి తెలిసిందే. తాజాగా ఆమె తన తల్లి సారికకు మైఖెల్‌ను పరిచయం చేశారు. ఈ సందర్భంగా మైఖేల్‌, శ్రుతి, సారిక కలిసి దిగిన ఫొటోలు కొన్ని సోషల్‌మీడియాలో చక్కర్లు కొడుతున్నాయి.

మైఖెల్‌తో పెళ్లి మాటలు మాట్లాడేందుకే సారికను కలిసి ఉంటారని బాలీవుడ్ వర్గాలు పేర్కొన్నాయి. వీరి పెళ్లికి సారిక నుంచి గ్రీన్ సిగ్నల్ లభించినట్లు తెలిసింది. శ్రుతికి టాలీవుడ్, బాలీవుడ్‌లో కూడా పెద్దగా సినిమాలు కూడా లేకపోవడంతో పెళ్లికి సిద్ధమవుతుందని తెలుస్తోంది. ఈ విషయాన్ని శ్రుతి ఇంకా అధికారికంగా ప్రకటించలేదు. ప్రస్తుతం శ్రుతి తన తండ్రి కమల్ హాసన్‌తో కలిసి ‘శభాష్‌ నాయుడు’ చిత్రంలో నటిస్తోంది. మరి ఈమె పెళ్లి ఊసు కమల్ చెవిలో పడిందో లేదో!