కమల్-గౌతమి బ్రేకప్‌పై స్పందించిన శ్రుతి

2003 నుండి సహజీవనం చేస్తూ 13 ఏళ్ల పాటు కలసిఉన్న కమల్ హాసన్, గౌతమిలు వారి బంధానికి వీడ్కోలు పలికారు. మొదటి భార్య వాణీ గణపతి, రెండో భార్య సారిక తో కూడా ఎక్కువ రోజులు బంధాన్ని నిలుపుకోలేక పోయిన కమల్ ఇప్పుడు గౌతమి తోకూడా తెగదెంపులు చేసుకున్నాడు. అయితే వీరు ప్రధాన కారణం కమల్ కూతురు శ్రుతి హాసన్ అని గుసగుసలు గట్టిగా వినిపించాయి.

అయితే వీటిపై స్పందించిన శృతిహాసన్ హాసన్.. విడిపోవడం కలసిఉండటం అనేది కమల్, గౌతమి వ్యక్తిగత నిర్ణయమని వ్యాఖ్యానించింది. మరొకరి వ్యక్తిగత జీవితం, నిర్ణయాలపై తానెప్పుడు మాట్లాడనని స్పష్టం చేసింది. తనకు తన తల్లిదండ్రులు, చెల్లెలే ముఖ్యమని తెలిపింది. వివాదాలను తానెప్పుడు పట్టించుకోనని కుండబద్దలు కొట్టింది. శృతిహాసన్ తల్లి సారిక నుంచి విడిపోయిన తర్వాత గౌతమితో కమల్ అనుబంధం మొదలైంది.



అయితే గౌతమి కమల్‌తో విడిపోతున్నందుకు కారణాలను తెలియజేస్తూ నేను ఎవరినుండి సానుభూతిని కోరుకోవడం లేదని, ఈ 13 సంవత్సరాల్లో కమల్ హాసన్ నుంచి ఎన్నో నేర్చుకున్నానని తెలిపారు. తన జీవితంలో తీసుకున్న అత్యంత బాధాకరమైన నిర్ణయమిదే అని ఆమె ఆవేదన వ్యక్తం చేశారు.
.