ఆ అవార్డును ఇప్పుడు అందుకున్న ఎన్టీఆర్

వరుస విజయాలతో దూసుకుపోతున్న యంగ్ టైగర్ ఎన్టీఆర్ అవార్డులనూ అలానే కొల్లగొట్టారు. గతేడాది ఎన్టీఆర్ నటించిన ‘నాన్నకు ప్రేమతో’, ‘జనతా గ్యారేజ్’ చిత్రాలు సూపర్ హిట్లుగా నిలిచాయి. ఈ ఏడాది చాలా అవార్డులు ఈ రెండు చిత్రాలను వరించాయి. ‘జనతా గ్యారేజ్’లో నటనకు గాను ఎన్టీఆర్ పలు అవార్డులను అందుకున్నాడు. హైదరాబాద్‌లో జరిగిన ఫిల్మ్‌ఫేర్ సౌత్ అవార్డుల ప్రధానోత్సవంలో పాల్గొని ఉత్తమ నటుడు అవార్డు అందుకున్న ఎన్టీఆర్.. అబుదాబిలో జరిగిన సైమా అవార్డ్ ఫంక్షన్‌లో పాల్గొనలేకపోయాడు.

అయితే సైమాలో ఎన్టీఆర్‌కు ఉత్తమ నటుడు అవార్డును ప్రకటించిన సంగతి తెలిసిందే. ఈ అవార్డును సోమవారం ఎన్టీఆర్ అందుకున్నాడు. సైమా చైర్ పర్సన్ అప్పటి అవార్డును ఇప్పుడు అందుకున్న ఎన్టీఆర్ స్వయంగా ఈ అవార్డును ఎన్టీఆర్‌కు అందజేశారు. హైదరాబాద్‌లో జరుగుతున్న ‘జై లవ కుశ’ షూటింగ్ సెట్ వద్దకు వెళ్లి మరీ ఈ అవార్డును ఎన్టీఆర్ చేతిలో పెట్టారు. ఆ ఫొటోలను సైమా తన ట్విట్టర్ ఖాతాలో ఉంచింది.
SIIMA Chairperson @BrindaPrasad1 handing over #SIIMA2017 best actor award to @tarak9999 #VIVOSIIMA pic.twitter.com/VZLdJDOfpL — SIIMA (@siima) July 10, 2017
కాగా, ఎన్టీఆర్ ప్రస్తుతం ‘జై లవ కుశ’ షూటింగ్‌లో బిజీగా ఉన్నారు. ఈ షూటింగ్ కారణంగానే అబుదాబి వెళ్లలేకపోయాడు. పక్కా ప్రణాళికతో అనుకున్న సమయంలో షూటింగ్‌ను పూర్తిచేసి అనుకున్న సమయానికి సినిమాను విడుదల చేయాలని చిత్ర యూనిట్ చూస్తోంది. సెప్టెంబర్ 1న సినిమాను ప్రేక్షకుల ముందుకు తీసుకురానున్నట్లు ఇప్పటికే ఎన్టీఆర్ ఆర్ట్స్ ప్రకటించింది. ‘జై లవ కుశ’ను ఎన్టీఆర్ అన్న నందమూరి కల్యాణ్ రామ్ నిర్మిస్తు్న్న సంగతి తెలిసిందే. బాబీ దర్శకత్వంలో తెరకెక్కుతున్న ఈ సినిమాకు దేవీశ్రీ సంగీతం అందిస్తున్నాడు.