సింగర్ ఉదిత్ నారాయణ్ కొడుకు అరెస్ట్

ప్రముఖ సింగర్ ఉదిత్ నారాయణ కొడుకు ఆదిత్య నారాయణ్ బాధ్యతారాహిత్యంగా కారు డ్రైవ్ చేసి ఇద్దరు వ్యక్తులకు గాయాలు చేసిన కేసులో ముంబై పోలీసులు అరెస్ట్ చేశారు. సెలబ్రిటీ కొడుకు కావడంతో వెంటనే ఇతడికి బెయిల్ కూడా లభించింది. వివరాళ్లోకెళ్తే.. ఆదిత్య నారాయణ్ ముంబైలో తన బెంజ్ కారును ర్యాష్‌గా నడుపుతూ యూ టర్న్ వద్ద ఆటో రిక్షా మీదికి కారును ఎక్కించేశాడు. ఈ ప్రమాదంలో ఆటోవాలాతో పాటు అందులో ప్రయాణిస్తున్న మహిళ కూడా తీవ్ర గాయాల పాలయ్యారు.

ప్రస్తుతం వీరు ఆసుపత్రిలో చికిత్స పొందుతుండగా వీరు ఇచ్చిన ఫిర్యాదు మేరకు ఆదిత్య నారాయణ్‌పై కేసు నమోదు చేశారు ముంబై పోలీసులు. విషయాన్ని ఆదిత్య నారాయణ్ కుటుంబ సభ్యులకు తెలియజేయడంతో కేసు నమోదు చేసిన కొన్ని గంటల్లోనే అతడి కుటుంబ సభ్యులు బెయిల్‌తో వచ్చి ఆదిత్యని విడిపించుకుపోయినట్లు తెలుస్తోంది. తండ్రి వారసత్వంతో సింగర్‌గా మారిన ఆదిత్య నారాయణ్‌కు వివాదాలు కొత్తేం కాదు. గతంలో గత ఏడాది ఇండిగో ఎయిర్ లైన్స్ సిబ్బందితో దురుసుగా ప్రవర్తించి వార్తల్లోకెక్కాడు. ఆ తరువాత పలు బాలీవుడ్ చిత్రాల్లోనూ నటించడంతో పాటు పలు టీవీ షోలకు హోస్ట్‌గా వ్యవహరిస్తున్నారు ఆదిత్య నారాయణ్.