‘పల్లె కోయిలమ్మ తెల్లవారె కూసే కూతే నా పాట... పంట చేనులోన పైరుకంకి పైన గాలే నాతాళం’ అంటూ పల్లెమట్టి వాసనల్ని తన గానామృతంతో వీనుల విందు చేస్తుంది పల్లెగాయని బేబీ. ‘ఓ చెలియా నా ప్రియ సఖియా..’ అంటూ గొంతు సవరించి సోషల్ మీడియాలో గత కొన్నిరోజులుగా వైరల్ అవుతున్న మట్టిలో మాణిక్యం, పల్లెకోకిల బేబీ మరోసారి తన పాటతో కోట్లాది హృదయాలను కదిలించింది. ఆ పేద కూలీని గాన కోకిలగా మార్చేందుకు తలో చేయి వేస్తున్నారు మన తెలుగు మ్యూజిక్ డైరెక్టర్స్. తాజాగా ప్రముఖ సంగీత దర్శకుడు రఘు కుంచే.. సింగర్ బేబీని ఇండస్ట్రీకి పరిచయం చేస్తూ ఓ పాటను పాడిస్తున్నారు. ఈ సందర్భంగా సాంగ్ రికార్డింగ్ వీడియోను పోస్ట్ చేసిన రఘ కుంచే పలు ఆసక్తికరమైన విషయాలను తెలియజేశారు.
‘అక్టోబర్ 29న ఫేస్ బుక్లో తూర్పుగోదావరి జిల్లా వడిశలేరు బేబీ గారు పాటను చూసినపుడు ఈమెను ఎలాగైనా తెలుగు సినిమా ఇండస్ట్రీకి పరిచయం చెయాలనే ఆలోచన కలిగింది. వెంటనే ఆవిడ నంబర్ కనుక్కుని ఫోన్ చేసి రికార్డింగ్కి రెడీ అవ్వమని చెప్పాను. నా కొత్త సినిమా పలాస 1978 ప్రొడ్యుసర్స్ అండ్ దర్శకుడ్ని ఒప్పించి ఆఘమేఘాల మీద ప్రముఖ రచయిత లక్ష్మీ భూపాలతో సాంగ్ రాయించాను. ట్రాక్ రెడీ అవుతుండగా ఇంకో ఆలోచన వచ్చింది. అసలు బేబీ జీవితానికి సంబంధించి ఒక సాంగ్ చేస్తే ఎలా ఉంటుంది? చాలా మందికి ఇన్స్ప్రేషన్గా ఉంటుంది అనిపించింది. భోపాల్ కి చెప్పగానే ట్యూన్ పంపమన్నారు. సరిగ్గా అరగంటలో పంపారు. ఆ లిరిక్స్ వినగానే కళ్ల వెంట నీళ్లొచ్చాయి. ఆ పాటను త్వరలో మీ ముందుకు తెస్తున్నాను. ఈ లోపు ఆ ప్రయాణానికి సంబంధించిన ఇంట్రిస్టింగ్ క్లిప్ ఇదిగో’ అంటూ బేబీ గానామృతానికి సంబంధించిన 1:51 నిమిషాల నిడివితో సాంగ్ టీజర్ను విడుదల చేశారు.
ఈ సాంగ్లో అక్షరాలు రాని బేబీ పాట పాడేందుకు ఇబ్బంది పడుతుంటే.. కుంచే రఘు బేబమ్మా... నువ్ గొప్ప సింగర్వి అంటూ పాట పాడిస్తున్న విధానం ఆయన్ని శెభాస్ అనిపించేదిగా ఉంది. ప్రతి లైన్ని ఆయనే పాడి వినిపించి.. బేబీతో పాడిస్తూ పాట కోసం ఆయన పడుతున్న తపనను అభినందించకుండా ఉండలేం. నీ రేంజ్ గురించి నీకు తెలియదు.. ఈజీగా పాడేసెయ్ అంటూ టేక్ చెప్పగానే.. ‘పల్లె కోయిలమ్మ తెల్లవారె కూసే కూతే నా పాట... పంట చేనులోన పైరుకంకి పైన గాలే నాతాళం’ అంటూ గొంతు సవరించిన బేబీ పాట వీనులకు విందులా ఉంది.
అక్షరం ముక్కైనా రాని బేబీ పదనిసల సరాగాలు పలికించడంలో మేటి. తూర్పుగోదావరి జిల్లా వడిసలేరు గ్రామానికి చెందిన బేబి సోషల్ మీడియా పుణ్యాన గాగ కోకిలగా మారింది. నిరుపేద అయిన బేబీ వ్యవసాయ కూలీ. తన తోటి కూలీలతో కలిసి పంట పొలాల్లో పాటలు పాడే బేబీ ఒక్కసారిగా సెలబ్రిటీగా మారింది. ఆమె పాడిన ప్రేమికుడు చిత్రంలోని ‘ఓ చెలియా నా ప్రియసఖియా’తో పాటు మిగిలిన పాటలు ఇప్పుడు సంగీత సంచలనంగా మారాయి. ఇటీవల మెగాస్టార్ చిరంజీవి ఆమెను ఇంటికి పిలిపించుకుని మరీ పాటలు పాడించుకున్నారంటే ఈ మట్టిలో పుట్టిన మాణిక్యం గానామృతాన్ని ఒక్కసారైనా రుచి చూడాల్సిందే.
‘అక్టోబర్ 29న ఫేస్ బుక్లో తూర్పుగోదావరి జిల్లా వడిశలేరు బేబీ గారు పాటను చూసినపుడు ఈమెను ఎలాగైనా తెలుగు సినిమా ఇండస్ట్రీకి పరిచయం చెయాలనే ఆలోచన కలిగింది. వెంటనే ఆవిడ నంబర్ కనుక్కుని ఫోన్ చేసి రికార్డింగ్కి రెడీ అవ్వమని చెప్పాను. నా కొత్త సినిమా పలాస 1978 ప్రొడ్యుసర్స్ అండ్ దర్శకుడ్ని ఒప్పించి ఆఘమేఘాల మీద ప్రముఖ రచయిత లక్ష్మీ భూపాలతో సాంగ్ రాయించాను. ట్రాక్ రెడీ అవుతుండగా ఇంకో ఆలోచన వచ్చింది. అసలు బేబీ జీవితానికి సంబంధించి ఒక సాంగ్ చేస్తే ఎలా ఉంటుంది? చాలా మందికి ఇన్స్ప్రేషన్గా ఉంటుంది అనిపించింది. భోపాల్ కి చెప్పగానే ట్యూన్ పంపమన్నారు. సరిగ్గా అరగంటలో పంపారు. ఆ లిరిక్స్ వినగానే కళ్ల వెంట నీళ్లొచ్చాయి. ఆ పాటను త్వరలో మీ ముందుకు తెస్తున్నాను. ఈ లోపు ఆ ప్రయాణానికి సంబంధించిన ఇంట్రిస్టింగ్ క్లిప్ ఇదిగో’ అంటూ బేబీ గానామృతానికి సంబంధించిన 1:51 నిమిషాల నిడివితో సాంగ్ టీజర్ను విడుదల చేశారు.
ఈ సాంగ్లో అక్షరాలు రాని బేబీ పాట పాడేందుకు ఇబ్బంది పడుతుంటే.. కుంచే రఘు బేబమ్మా... నువ్ గొప్ప సింగర్వి అంటూ పాట పాడిస్తున్న విధానం ఆయన్ని శెభాస్ అనిపించేదిగా ఉంది. ప్రతి లైన్ని ఆయనే పాడి వినిపించి.. బేబీతో పాడిస్తూ పాట కోసం ఆయన పడుతున్న తపనను అభినందించకుండా ఉండలేం. నీ రేంజ్ గురించి నీకు తెలియదు.. ఈజీగా పాడేసెయ్ అంటూ టేక్ చెప్పగానే.. ‘పల్లె కోయిలమ్మ తెల్లవారె కూసే కూతే నా పాట... పంట చేనులోన పైరుకంకి పైన గాలే నాతాళం’ అంటూ గొంతు సవరించిన బేబీ పాట వీనులకు విందులా ఉంది.
అక్షరం ముక్కైనా రాని బేబీ పదనిసల సరాగాలు పలికించడంలో మేటి. తూర్పుగోదావరి జిల్లా వడిసలేరు గ్రామానికి చెందిన బేబి సోషల్ మీడియా పుణ్యాన గాగ కోకిలగా మారింది. నిరుపేద అయిన బేబీ వ్యవసాయ కూలీ. తన తోటి కూలీలతో కలిసి పంట పొలాల్లో పాటలు పాడే బేబీ ఒక్కసారిగా సెలబ్రిటీగా మారింది. ఆమె పాడిన ప్రేమికుడు చిత్రంలోని ‘ఓ చెలియా నా ప్రియసఖియా’తో పాటు మిగిలిన పాటలు ఇప్పుడు సంగీత సంచలనంగా మారాయి. ఇటీవల మెగాస్టార్ చిరంజీవి ఆమెను ఇంటికి పిలిపించుకుని మరీ పాటలు పాడించుకున్నారంటే ఈ మట్టిలో పుట్టిన మాణిక్యం గానామృతాన్ని ఒక్కసారైనా రుచి చూడాల్సిందే.