సిట్‌తో సిట్టింగ్: చార్మి.. క్వచ్ఛన్స్ పేపర్ లీక్?

డ్రగ్స్ కేసులో విచారణలో భాగంగా ఈరోజు (బుధవారం) చార్మిని సిట్ అధికారులు విచారిస్తున్న సంగతి తెలిసిందే. చార్మి అభ్యర్థన మేరకు కోర్టు ఆదేశాలతో నలుగుగు మహిళా అధికారుల నేతృత్వంలో ఉదయం 10 గంటల నుండి ఈ విచారణ కొనసాగుతుంది. ఎక్సైజ్ అసిస్టెంట్ సూపరిండెంట్ అనిత, సీఐ విజయలక్ష్మి, రేణుక, శ్రీలత, బృందం సిట్‌ నేతృత్వంలో సుమారు 40 ప్రశ్నలను ఈ విచారణ కోసం తయారుచేసినట్లు తెలుస్తోంది. అయితే చార్మికి సిట్ అధికారులు సంధిస్తున్న ప్రశ్నలు ఇవే అంటూ కొన్ని ఛానల్స్ బ్రేకింగ్స్ వేయండం ఇప్పుడు హాట్ టాపిక్‌గా మారింది.

నిజానికి ఇప్పటివకూ డ్రగ్స్ విచారణకు హాజరైన సినీ ప్రముఖులకు సంధించిన ప్రశ్నావళి గంటల తర్వాత కానీ బయటకు రాలేదు. కానీ.. ఛార్మి విషయంలో మాత్రం విచారణ మొదలైన 40 నిమిషాల కంటే తక్కువ వ్యవధిలోనే బయటకు రావటం ఆసక్తికరంగా మారింది. వివిధ ఛానల్స్‌లో వస్తున్న ఈ ప్రశ్నావళి ఈ విధంగా ఉంది.

1. మీరు ఎప్పుడైనా డ్రగ్స్ సేవించారా?
2. డ్రగ్స్ కేసులో పూరీ చాలా కీలకంగా ఉన్నారు. అతనికి మీకు ఉన్న రిలేషన్ ఏంటి?
3. పూరీ ఇంటికి మీరు వెళ్లే వారా?
4. పూరీతో మీరు పార్టీలకు హాజరయ్యేవారా?
5.కెల్విన్‌తో మీకు పరిచయం ఉందా?
6.కెల్విన్ కాల్ లిస్ట్ మీ ఫోన్ నంబర్ ఎందుకు ఉంది?
7.అతనితో తరచుగా వాట్సాప్ చాట్ చేసేవారా?
8.మీరు హాజరైన పార్టీల్లో మత్తు పదార్థాలు ఉండేవా?
9. మీరు తరచుగా బ్యాంకాక్ ఎందుకు వెళతారు?