నేహా శర్మ.. తెలుగు వాళ్లు దాదాపుగా ఈమెను మరిచిపోయారు. మెగాస్టార్ చిరంజీవి తనయుడు రామ్ చరణ్ హీరోగా టాలీవుడ్ కు ఎంట్రీ ఇచ్చిన సినిమాలో హీరోయిన్ నేహా. పూరీ ఇంట్రడ్యూస్ చేసిన హీరోయిన్లలో ఒకరీమె. అయితే అంతగా నిలదొక్కుకోలేకపోయింది. ‘చిరుత’ తర్వాత ఒకటీ అర తెలుగు సినిమాలకు పరిమితం అయ్యింది నేహా. ఆ తర్వాత బాలీవుడ్ లో ఈమెకు కొన్ని అవకాశాలు వరించాయి. స్టార్ హీరోల సరసన కాకపోయినా.. ద్వితీయ శ్రేణి స్థాయి సినిమాల్లో నేహ అప్పటి నుంచి కొనసాగుతోంది. మోడలింగ్ గట్రా కూడా చేస్తోంది.
ఈ నేపథ్యంలో సోషల్ మీడియా ద్వారా కూడా అప్పుడప్పుడు పలకరిస్తోంది నేహా. అలా ఈ భామ పోస్టు చేసిన తాజా సెల్ఫీ ఇది. ఈ సెల్ఫీతో ఒకింత హాట్ షోనే చేస్తోంది నేహా. పదేళ్ల కిందట హీరోయిన్ గా ఇంట్రడ్యూస్ అయిన భామ ఈ సెల్ఫీలతో మరిన్ని సినీ అవకాశాలను ఒడిసిపడుతుందా? చూడాలి మరి!