భర్తతో హీరోయిన్ ముద్దులాట!

ఇటీవలే వివాహిత అయిన సోనమ్ కపూర్ ఇప్పుడు తన భర్తతో రొమాంటిక్ రిలేషన్‌షిప్‌ను తన ఫాలోయర్ల కోసం ఇన్‌స్టాగ్రమ్‌కు ఎక్కించింది. తమ ముద్దుముచ్చట్లకు సంబంధించిన ఫొటోలను పోస్టు చేస్తోంది ఈ భామ. ఎలాంటి కామెంట్ లేకుండా ఈ ఫొటోలతో తమ అన్యోన్యతను వివరిస్తోంది సోనమ్. పెట్టీపెట్టని ముద్దుతో... ఈ ఫొటోను చూసే వాళ్లకు రిలేషన్‌షిప్ గోల్స్‌ను సెట్ చేస్తోంది సోనమ్.

ఫొటో బ్లాక్ అండ్ వైట్ అయినా తమ పోజుతో దాన్ని కలర్‌ఫుల్‌గా మార్చారు ఈ దంపతులు. ఈ ఫొటోను చూస్తూ ‘క్యూట్..’ అంటూ కితాబులిస్తున్నారు సోనమ్ కపూర్ అభిమానులు. కొందరు మాత్రం బెడ్రూమ్ రొమాన్స్‌ను సోషల్ మీడియాకు ఎందుకు ఎక్కిస్తున్నట్టు? అని ప్రశ్నిస్తున్నారనుకోండి!

దాదాపు రెండున్నర నెల కిందట వివాహం చేసుకుంది సోనమ్. వ్యాపార వేత్త అయిన ఆనంద్ అహూజాను అనిల్ కపూర్ తనయ పెళ్లి చేసుకుంది. వివాహం తర్వాత కూడా ఈమె సినిమాల్లో కొనసాగుతానని ఇది వరకే ప్రకటించింది. ఆ మేరకు సినిమాలు చేస్తోంది.