నాపై లైంగిక దాడి జరిగింది: సోనమ్ కపూర్

బాలీవుడ్ హీరోయిన్, అనిల్ కపూర్ కుమార్తె సోనమ్ కపూర్ తన చిన్నతనంలో తనపై లైంగిక దాడి జరిగింది అని, ఆ చేదు జ్ఞాపకం ఇప్పటికీ తనని వెంటాడుతుందని ఓ ప్రముఖ టీవీ షోలో బయట పెట్టింది.

2016లో సినిమాల్లో శక్తివంతమైన పాత్రలు పోషించిన కథానాయికలతో 'బాలీవుడ్ రౌండ్ టేబుల్' పేరిట సీఎన్ఎన్ ఛానెల్ వ్యక్తిగత అభిప్రాయాలను తెలిపే ఓ షోను నిర్వహించింది. ఈ షోలో సోనమ్ కపూర్ (నీరజా), ఆలియా భట్ (డియర్ జిందగీ, ఉడ్తా పంజాబ్), అనుష్క శర్మ (సుల్తాన్, ఏ దిల్ హై ముష్కిల్), విద్యా బాలన్ (కహానీ2), రాధికా ఆప్టే (ఫోబియా, పార్చ్‌డ్) లాంటి స్టార్ హీరోయిన్లు తమ అనుభవాలను పంచుకున్నారు.



విరాట్ కోహ్లీ ప్రేయసి అనుష్క శర్మ కూడా తన అనుభవాన్ని చెప్పింది. తన చిన్నతనంలో ఉన్నప్పుడు ఆమె అమ్మ కొన్ని ప్రశ్నలు వేసేదట. తనని ఎవరైనా అసభ్యంగా తాకుతున్నారా?, ఆ రకంగా ఎవరైనా చేశారా? అంటూ ప్రశ్నలు వేసేదట. అప్పట్లో అమ్మ అలా విచిత్రంగా ఎందుకు అడిగేదో అర్థమయ్యేది కాదనీ. వయసు పెరిగిన తర్వాత ఆ విషయాలపై అవగాహన వచ్చింది అని అనుష్క తెలిపింది.

ప్రస్తుతానికి ఆ ఛానెల్ వారు కేవలం ఈ షో ప్రోమో వీడియోని విడుదల చేశారు. వచ్చే ఆదివారం రోజు ఈ షోను తమ ఛానెల్ లో ప్రచారం చేయనున్నారట.