Rajinikanth: మనువడిని చూసి మురిసిపోతున్న తలైవా

తమిళ సూపర్‌ స్టార్‌ రజినీకాంత్‌ (Rajinikanth) చిన్న కూతురు సౌందర్య రజనీకాంత్ (Soundarya Rajinikanth) ఇటీవలె పండంటి మగబిడ్డకు జన్మనిచ్చిన విషయం తెలిసిందే. తన కొడుకుకు 'వీర్ రజనీకాంత్ వనంగముడి' అని పేరు పెట్టామని.. ఫొటో షేర్ చేసుకుని ఆమె సంబర పడిపోయారు. తాజాగా మరో సౌందర్య మరో ఫొటోను సోషల్ మీడియాలో పోస్ట్ చేశారు. సౌందర్య మెడలో దండ వేసుకుని.. చేతిలో పిల్లాడుతో సోఫాలో కూర్చుని ఉన్నారు. సోఫా వెనుక నిలబడి ఉన్న రజనీకాంత్.. తన కుమార్తె, ఆమె చేతుల్లో ఉన్న మనువడిని ఆసక్తిగా చూస్తున్నారు. ప్రస్తుతం ఈ ఫొటో నెట్టింట వైరల్ అవుతోంది.


సౌందర్య రజనీకాంత్ 2010లో వ్యాపారవేత్త అశ్విన్‌ కుమార్‌ను వివాహం చేసుకున్నారు. వీరిద్దరికి ఒక బాబు వేద్‌ కృష్ణ ఉన్నాడు. ఆ తరువాత కొన్ని కారణాల వల్ల వారిద్దరూ విడాకులు తీసుకున్నారు. 2019లో విషాగన్‌ వనంగమూడిని రెండో పెళ్లి చేసుకున్నారు సౌందర్య. ఇటీవలె ఆమె రెండో బిడ్డకు జన్మనిచ్చారు.

సౌందర్య రజనీకాంత్‌ దర్శకురాలిగా కోలీవుడ్ ఇండస్ట్రీలో తనకంటూ ప్రత్యేక గుర్తింపును సొంతం చేసుకున్నారు. మొదట గ్రాఫిక్ డిజైనర్‌గా కెరీర్ ఆరంభించి.. ఆ తరువాత దర్శకురాలిగా మారారు. తన తండ్రి రజనీకాంత్‌తో కొచ్చయడాన్ అనే యానిమేషన్ సినిమాను డైరెక్ట్ చేశారు. హీరో ధనూష్‌తో వీఐపీ-2 మూవీని తెరకెక్కించారు. పొన్నియన్ సెల్వన్ మూవీకి క్రియేటివ్ డైరెక్టర్‌గా వర్క్ చేశారు. డైరెక్టర్‌గా సౌందర్య రజనీకాంత్‌ ఇంకా సక్సెస్ అందుకోలేదు.