రెండో పెళ్లికి నేను రెడీ అంటోంది!

దర్శకుడు విజయ్‌తో ప్రేమాయణం, పెళ్లి చేసుకోవడం అంతా సినిమాల్లో మాదిరి చకచకా చేసేసింది హీరోయిన్ అమలాపాల్. అయితే ఆ బంధం విడిపోవడానికి ఎక్కువ రోజులు పట్టలేదు. ఇద్దరూ కూడా ఇష్టపూర్వకంగానే విడాకులు తీసుకున్నారు. విడిపోయిన తరువాత ఏ ఒక్కరోజు కూడా ఇద్దరు ఒకరి గురించి ఒకరు చెడుగా మాట్లాడలేదు. ఇటీవల అమలాపాల్ ఓ చానల్‌కి ఇచ్చిన ఇంటర్వ్యూలో వీరి వివాహం, తెగదెంపులు గురించి కొన్ని ఆసక్తికర వ్యాఖ్యలు చేసింది. కొందరు పెద్దల జోక్యం కారణంగానే తాము విడిపోయామని, అంతా మంచికే జరిగిందని అన్నారు.

అలానే మళ్ళీ పెళ్లి చేసుకుంటారా..? అనే ప్రశ్నకు తప్పకుండా చేసుకుంటానని బదులిచ్చింది అమలాపాల్. 'నా జీవితాన్ని ఒంటరిగా గడపడానికి నేను సిద్ధంగా లేను. జీవితంలో ఒకరి తోడు మరొకరికి అవసరం. ఈసారి చేసిన తప్పు చేయకూడదు. జీవితాంతం తోడుగా ఉండే వ్యక్తిని వెదుక్కోవాలి. రెండో పెళ్లి అయితే ఖచ్చితంగా చేసుకుంటాను. కానీ అది ఎప్పుడు అనే విషయాన్ని మాత్రం ఇప్పుడు చెప్పలేను' అని వెల్లడించారు. సో.. అమలాపాల్ రెండో పెళ్ళికి సిద్ధంగా ఉందన్నమాట.