అమెరికాలో ఎస్పీ బాలు పాస్ పోర్ట్ మిస్!

గానగంధర్వుడు ఎస్పీ బాల సుబ్రహ్మణ్యంకు యూఎస్‌లో ఊహించని పరిణామం ఎదురైంది. తన పాస్ పోర్ట్‌తో పాటు క్రెడిట్ కార్డ్స్ , క్యాష్ మరియు ఐప్యాడ్ లాంటి విలువైన వస్తువులు పోగొట్టుకొట్టున్నట్టు తన ఫేస్ బుక్ పేజ్‌లో తెలిపారు. ఇటీవల బాలు ఎస్పీబీ 50 పేరుతో కాంటెస్ట్ నిర్వహిస్తున్నారు. ఈ కార్యక్రమంలో పాల్గొన్న బాలు తిరిగి వస్తుండగా.. ఈ సంఘటన చోటు చేసుకుంది.

అయితే బాలు హ్యూస్టన్ లోని భారతీయ రాయభార కార్యాలయం సాయంతో 24 గంటలలో డ్యూప్లికేట్ పాస్ పోర్ట్ పొందినట్టు వివరించారు. అయితే ఈ విషయంకు సంబంధించి సోషల్ మీడియాలో పలు రూమర్స్ చక్కర్లు కొడుతున్న నేపథ్యంలో తాను సేఫ్‌గానే ఉన్నట్టు ఓ వీడియో ద్వారా తెలిపారు. అభిమానులు ఎలాంటి ఆందోళన చెందవద్దని పేర్కొన్నారు.

ఇదిలా ఉంటే.. తాజాగా ఆంధ్రప్రదేశ్ ప్రభుత్వం 2012 సంవత్సరానికి గాను ఎన్టీఆర్ జాతీయ అవార్డుకు ప్రముఖ నేపథ్య గాయకుడు కేటగిరిలో ఎస్.పి. బాలసుబ్రహ్మణ్యం ఎంపిక చేసిన సంగతి తెలిసిందే.. ఈ అవార్డు కేటాయించడం పట్ల కూడా ఎస్పీ బాలు ఏపీ ప్రభుత్వానికి జ్యూరీ సభ్యులకు ముఖ్యంగా బాలయ్యకి ప్రత్యేక కృతజ్ఞతలు తెలిపారు.